ރޯދަމަހުގެ ފުރަތަމަ ހަފްތާގައި ބާޒާރުގައި މަހުގެ ބާވަތްތަކުގެ އަގު ކުޑަކޮށް އުފުލުނު ނަމަވެސް ރޯދަ މަހުގެ ފަހު ދިހައަކަށް ދިޔައިރު މަހުގެ ބާވަތްތަކުގެ އަގުތައް ހުރީ ދާދި އެއްވަރެއްގަ އެވެ. ހާއްސަކޮށް ކަނޑު މަހުގެ އަގު ވަނީ ހެޔޮވެފަ އެވެ.
އެގޮތުން މަސްމާރުކޭޓުގެ އަގުތަކަށް ބަލާއިރު،
މީގެ އިތުރުން ބާޒާރުގައި ތަކެތީގެ އަގު މިދިޔަ ހަފްތާއަށްވުރެ ކޮންމެވެސް ވަރަކަށް މިހާރު ވަނީ ހެޔޮވެފަ އެވެ. އެގޮތުން ކަނޑޫދޫ މިރުހުގެ 100 ގްރާމް 60ރ. އަށް އެރުމަށްފަހު މިހާރު 40ރ. އާއި 45ރ. އަށް ލިބެ އެވެ.
މީގެއިތުރުން ބާޒާރުގައި ކުރުނބާގެ އަގު 40ރ. އާއި 50ރ. އާ ދެމެދު ހުރިއިރު، ކުރުނބާ ފުޅިއެއް ލިބެން ހުރީ 150ރ. އަށެވެ. ކޮޕީފަތް ބޮނޑިއެއް 10ރ. އަށް ހުރިއިރު، ލެޓިއުސް ކިލޯއެއް 60ރ. އަށް ލިބެ އެވެ.
ރޯދަ މަސް ފެށުނުއިރު ކަރާ ކިލޯއެއްގެ އަގު ހުރީ 20ރ. އަށެވެ. ނަމަވެސް ފަހުން ކިލޯއެއްގެ އަގު 25ރ. އަށް އުފުލުނުއިރު، މިއީ މި ރޯދަ މަހު ކަރާގެ އަގު 35ރ. އަށް އެރި ފުރަތަމަ ފަހަރެވެ.
