ރައީސް މިހެން ވިދާޅުވީ، ޝީޝާއާއި ހަކުރު އެކުލެވޭ ބުއިންތަކާ ގުޅޭ މަޝްވަރާތައް ސަރުކާރުން އެކި ފަންތީގައި ކުރަމުން އަންނަ ކަމަށް ހެލްތު މިނިސްޓަރު އަބްދުالله ނާޒިމް އިބްރާހީމް މިދިޔަ ބުރާސްފަތި ދުވަހު ވިދާޅުވެފައި ވަނިކޮށެވެ.
ޕީއެންސީގެ "ދަ ގްރޭޓާ އައްޑޫ" ސިޔާސަތު އިފްތިތާހުކުރުމަށް އާޓިފިޝަލް ބީޗުގައި ރޭ ބޭއްވި ޖަލްސާގައި ރައީސް ވިދާޅުވީ، ރާއްޖޭގައި އިތުރު ކަންކަން "ބޭން" ކުރުމަކީ ސަރުކާރުގެ ސިޔާސަތެއް ނޫން ކަމަށެވެ.
ރައީސް ވިދާޅުވީ، ޒަމާނުއްސުރެ ދިވެހީންގެ ތެރޭގައި ހުރި ބައެއް އާދަތައް މަނާކުރުމަކީ ހައްލެއް ލިބޭނެ ކަމެއް ނޫން ކަމަށާއި ނަމަވެސް އެކަންކަމާ ގުޅޭ ގޮތުން ސިއްހީ ގޮތުން މީހުން ހޭލުންތެރިކުރުމަކީ ސަރުކާރުން ކުރާނެ ކަމެއް ކަމަށެވެ. އެއާއެކު، ސިއްހަތަށް ފައިދާހުރި ކާބޯތަކެތި ކަމަށްވާ މޭވާއާއި ތަރުކާރީ އުފެއްދޭނެ ގޮތާއި އަގުހެޔޮކޮށް އެ ތަކެތި ލިބޭނެ ގޮތް ހެދުމަކީ މި ސަރުކާރުން ތަންފީޒުކުރާނެ ސިޔާސަތުކަމަށްވެސް ރައީސް ވިދާޅުވި އެވެ.
ރާއްޖޭގައި ޒުވާނުން ހިމެނޭ ގޮތަށް، ދުންފަތުގެ ބާވަތްތަކާއި ޝީޝާ ބޭނުންކުރުން ވެސް ވަރަށް އާންމެވެ.
