އިމިގްރޭޝަނުން ބުނީ "އެމްވީ ކޮސްޓާ ޑެލިޒިއޯސާ" މިއަދު ރާއްޖެއައީ ސްރީލަންކާގެ ކޮލަންބޯއިން ފުރައިގެންކަމަށެވެ.
އެ ކްރޫޒްލައިނާގައި 1،855 ފަސިންޖަރުންނާއި، 881 ކްރޫ މެންބަރުން ތިބި ކަމަށް އިމިގްރޭޝަނުން ބުނެއެވެ. އަދި އެންމެނަށް ބޭނުންވާ އިމިގްރޭޝަން ކްލިއަރެންސް، ސީޕޯޓް ޑިވިޝަންގެ އޮފިސަރުން ފުރިހަމަކޮށްފައިވާ ކަމަށްވެސް އިމިގްރޭޝަނުން ވަނީ ބުނެފައެވެ.
އެނގިފައިވާ ގޮތުގައި މި ކްރޫޒް ލައިނާ މިއަދު ހަވީރު ރާއްޖެއިން ފުރާނެއެވެ.
އަހަރުގެ ފުރަތަމަ ކުރޫޒާ ލައިންގެ ގޮތުގައިވެސް ރާއްޖެ އައިސްފައިވަނީ 'އެމްއެސް ކްރިސްޓަލް ސިމްފަނީ' އެވެ. އެ ފަހަރުވެސް ކުރޫޒްލައިނާ ރާއްޖެ އައީ ސީޝެލްސްގެ މަހޭއިން ފުރައިގެންނެވެ. އެފަހަރު 479 ފަތުރުވެރިން ރާއްޖެ އައިސްފައިވެއެވެ.
ކްރޫޒް ލައިނާތަކުގައި އަންނަ ފަތުރުވެރިން ބާލަން ހުއްދަދީފައި އޮންނަނީ އެއް ނަމްބަރު ފާލަން ހިމެނޭ ސަރަހައްދަށެވެ.
