"އެމްޑަބްލިޔުއެސްސީ ރޯދަ ސުފުރާ 1447" ގެ ދަށުން ކޮންމެ ދުވަހަކުވެސް ރޯދަވީއްލުމަށް ބޭނުންވާ "އިފްތާރު މީލް ޕެކް" ބެހުމުގެ މަސައްކަތް ކުރިއަށްދަނީ އެކުންފުނީގެ މައި ދޮރުމަތީގައި އެކަމަށް ހާއްސަކޮށް ތައްޔާރުކޮށްފައިވާ ޓެންޓުގައެވެ.
އެމްޑަބްލިޔުއެސްސީ ރޯދަ ސުފުރާ ހަރަކާތުގެ ތެރެއިން - ފޮޓޯ/އެމްޑަބްލިޔުއެސްސީ
ގޭގައި ތައްޔާރުކުރާ ކާބޯތަކެތި ކޮންމެ ދުވަހަކު ހަވީރު 4:30 އިން 5:45 އާ ދެމެދު ފެން ބިލްޑިންގެ މައި ދޮރުމަތީގައި މިކަމަށް ހާއްސަކޮށް ތައްޔާރުކޮށްފައިވާ ޓެންޓަށް ގެންދެވޭނެ އެވެ. ސިއްހީ ރައްކާތެރިކަމަށް ބަލައި، ހަދިޔާކުރާ ތަކެތި ހުންނަންވާނީ ފޮއިލް ކޮންޓޭނަރުގައި ރަނގަޅަށް ބަންދުކޮށްފަ އެވެ.
އެ ހަރަކާތަކީ ފެނާއި ނަރުދަމާގެ ހިދުމަތް ފޯރުކޮށްދިނުމުގެ އިތުރުން، މުޖުތަމައަށް ފައިދާހުރި ކަންކަން ކުރުމުގައި އެމްޑަބްލިޔުއެސްސީން ދޭ ސަމާލުކަމާއި، އިޖުތިމާއީ ކަންކަމުގައި އެ ކުންފުނިން އަދާކުރާ މުހިންމު ދައުރު ރަމްޒުކޮށްދޭ ކަމެއް ކަމަށްވެސް އެމްޑަބްލިޔުއެސްސީން ބުންޏެވެ.
