"ޖަންނަތު" އިން މަގުބޫލުކަން ހޯދި ބަތަލާ މުމްބާއީއަށް އައިސްފައިވަނީ މިދިޔަ ހޯމަ ދުވަހު އެވެ. އޭނާ އެނބުރި އައިކަން ކަށަވަރުކޮށްދީފައިވަނީ ސޯޝަލް މީޑިއާ މެދުވެރިކޮށް އޭނާގެ ފޭނުންނަށް ދިން މެސެޖެއްގަ އެވެ.
އެމެރިކާ، އީރާން އަދި އިސްރާއީލުގެ މައްސަލަތަކާ ހެދި ދަތުރުފަތުރު ހުއްޓިފައި އޮތުމުން، ސޯނަލް ވަނީ މިދިޔަ ފެބްރުއަރީ މަހުގެ 28 ވަނަ ދުވަހު އިންޑިއާގެ ޕްރައިމް މިނިސްޓަރު މޯދީގެ އެހީތެރިކަމަށްވެސް އެދިފައެވެ. އެނބުރި ގައުމަށް އާދެވޭނެ އެއްވެސް މަގެއް ނެތި ދުބާއީގައި ހޭދަކުރަން ޖެހުނު ދުވަސްތަކަކީ ވަރަށް ގޮންޖެހުން ބޮޑު ދުވަސްތަކެއްގެ ގޮތުގައި އޭނާ ވަނީ ސިފަކޮށްފަ އެވެ.
އިންޑިއާއަށް އެނބުރި ދެވުމުން ސޯނަލް ވަނީ ދުބާއީގެ ސަރުކާރުން ކަންކަން ބެލެހެއްޓި ގޮތަށް ވަރަށް ބޮޑަށް ތައުރީފުކޮށްފައެވެ. އޭނާ ބުނީ ދުބާއީގެ ރައްޔިތުން އެ ގައުމުގެ ސަރުކާރަށް ކުރާ އިތުބާރާއި، އެފަދަ ދަނޑިވަޅެއްގައި ދެއްކި ހިތްވަރަކީ ނަމޫނާއެއް ކަމަށެވެ. އަދި މި ނުތަނަވަސްކަން އަވަހަށް ނިމުމަކަށް އައުމަކީ އޭނާގެ އުންމީދެއް ކަމަށްވެސް ސޯނަލް ބުންޏެވެ.
