މިއަދު ނޫސްވެރިންނާއި ބައްދަލުކުރައްވާ ވާހަކަފުޅު ދައްކަވަމުން މިނިސްޓަރު މާރިޔާ ވިދާޅުވީ މިހާރު ރާއްޖޭގައި ހުރީ ގިނަ ދުވަސްވެ، ފަސޭހައިން އެރޭ ވަރަށް ވުރެ ދިގުވެ، މަތިވަރު ހަލާކުވެފައިވާ ރުއްތަކެއްކަމަށެވެ.
އެހެންކަމުން ރުއް އާލާކުރުމުގެ ގައުމީ ޕޮރޮގްރާމެއް މިހާރު ފަށާފައިވާ ކަމަށް މިނިސްޓަރު ވިދާޅުވިއެވެ. އެގޮތުން ރުއް އަލާކުރުމަށް މައި މަރުކަޒެއް އދ. އަރިޔަދޫގައި ގާއިމުކުރުމުގެ މަސައްކަތް ކުރަމުން އަންނަކަމަށް މިނިސްޓަރު ވިދާޅުވިއެވެ. އަދި އެ މަސައްކަތައް އެރަށް މިހާރު ވަނީ މިނިސްޓްރީއާ ހަވާލުކޮށްފައިކަމަށްވެސް މިނިސްޓަރު މާރިޔާ ވިދާޅުވިއެވެ.
މި މަސައްކަތުގެ ދަށުން އަރިޔަދޫގެ ތިމާވެށީގެ އެސެސްމަންޓާއި ލޭންޑް ޔޫސް ޕްލޭން ހެދުމުގެ މަސައްކަތް ކުރަމުން އަންނަ ކަމަށާއި އެ މަސައްކަތް ނިމުމުން އިންވެސްޓް ކުރުމަށް އިއުލާނު ކުރާނެކަމަށްވެސް މިނިސްޓަރު މާރިއާ ވިދާޅުވިއެވެ.
