އަންނަ އޭޕްރިލްމަހުގެ 4 ވަނަ ދުވަހު ބާއްވާ އިންތިހާބުގައި 621 ވޯޓް ފޮށި ބަހައްޓަން ކުރިން އިލެކްޝަންސް ކޮމިޝަނުން ނިންމިއެވެ. އެހެންނނަމަވެސް ރީ ރެޖިސްޓްރޭޝަންގައި އައި ބަދަލާއި އެކު މިހާރު ބަހައްޓާނީ 588 ވޯޓް ފޮށި ކަމަށް އިލެކްޝަންސް ކޮމިޝަނުން ބުނެއެވެ.
މި އިންތިހާބުގައި ވެރިރަށް މާލޭ ސަރަހައްދުގައި 240 ފޮށި ބަހައްޓަން ވަނީ ނިންމާފައެވެ. އެއީ މާލޭ ރައްޔިތުން ވޯޓްލުމަށް ބަހައްޓާ 98 ފޮއްޓާއި މާލޭގައި ދިރިއުޅޭ އަތޮޅުތަކުގެ ރައްޔިތުންނާއި، ކުޅުދުއްފުށި ސިޓީ، ފުވައްމުލައް ސިޓީ، ތިނަދޫ ސިޓީ އަދި އައްޑޫ ސިޓީގެ ރައްޔިތުން ވޯޓުލުމަށްޓަކައި ބަހައްޓާ 142 ފޮށްޓެވެ.
މި ފަހަރަުގެ އިންތިހާބުގައި 21 ރިސޯޓެއްގައިވެސް ވޯޓް ފޮށި ބަހައްޓަން ވަނީ ނިންމާފައެވެ. އެހެންނަމަވެސް ރީ ރެޖިސްޓްރީގައި އައި ބަދަލުން ސިނާއީ މަސައްކަތްކުރާ ރަށްތަކާއި ރާއްޖެއިން ބޭރުގައި ވޯޓް ފޮށި ނުބަހައްޓަން އީސީން ވަނީ ނިންމާފައެވެ.
ކައުންސިލްތަކުގެ އިންތިހާބާއި އަންހެނުންގެ ތަރައްގީއަށް މަސައްކަތްކުރާ ކޮމިޓީގެ އިންތިހާބު 2026 ގައި ވޯޓު ދިނުމުގެ ހައްގު ލިބިފައިވަނީ ޖުމްލަ 294،937 މީހުންނަށެވެ. އޭގެތެރޭގައި ހިމެނެނީ 144،527 އަންހެނުންނާއި 150،410 ފިރިހެނުންނެވެ.
