ރަތްމަންދޫ މީހުން ފުރަތަމަ ބަދަކުކުރަން ނިންމީ އެ އަތޮޅު މުއްޔަށެވެ. އެހެންނަމަވެސް އެރަށު މީހުން އެދެނީ މާލ ސަރަހައްދުން ރަށަކަށް ބަދަލުކޮށްދިނުމަށެވެ.
ހައުސިން މިނިސްޓްރީން ބުނީ ރަތްމަންދޫ ރައްޔިތުން މިހާރު ބަދަލުކުރަން ނިންމާފައިވަނީ ތުލުސްދޫއަށްކަމަށެވެ. އަދި އެ ރައްޔިތުން ބަދަލު ކުރުމުގެ މަސައްކަތް ކުރިއަށް ގެންދިއުމަށް ބޭނުންވާ 44 ގޯތި ހަމަޖައްސައި، އެކަން ތުލުސްދޫ ކައުންސިލުން މިނިސްޓްރީއަށް އަންގާފައި ވާކަމަށެވެ.
އެގޮތުން އެ މަސައްކަތް ކުރިއަށް ގެންދިއުމަށް ކުރަންޖެހޭ މަސައްކަތްތައް މިނިސްޓްރީން މިހާރު ފަށާފައިވާކަމަށް ހައުސިް މިނިސްޓްރީން ބުނެއެވެ.
މިދިޔަ އަހަރުގެ ސެޕްޓެމްބަރު މަހު ރައީސް މުިއއްޒު ރަތްމަންދޫއަށް ކުރެއްވި ޒިޔާރަތުގައި އެރަށު ރައްޔިތުންނާއި ބައްދަލުކުރައްވާ ވާހަކަފުޅު ދައްކަވަމުން ވިދާޅުވީ ރަތްމަންދޫ ރައްޔިތުން އެހެން ރަށަކަށް ބަދަލުކުރާނީ އާބާދީގެ 80 އިންސައްތަ ރައްޔިތުންގެ ރުހުން ލިބުމުންކަމަށެވެ. އަދި ސަރުކާރުގެ ވިސްނުމަކީ ރަށުގެ ކައުންސިލާ ރައްޔިތުންނާ އަދި ކަމާގުޅުންހުރި ވުޒާރާތަކާ އިދާރާތައް މެދުވެރިކޮށް ރައްޔިތުންގެ މެދުގައި ވޯޓެއް ނެގުންކަމަށްވެސް ރައީސް މުއިއްޒު ވިދާޅުވިއެވެ.
މ. ރަތްމަންދޫ މީހުން އެހެން ރަށަކަށް ބަދަލުވާން އެދޭ ނަމަ އެ ބަދަލުވާ ރަށެއްގައި ގެ އަޅަން ފަށާތާ އަހަރެއްގެ ތެރޭ އެންމެން ބަދަލުކޮށް ދީ ނިންމާނެކަމަށް ރައީސް ޑރ. މުހައްމަދު މުއިއްޒު ވަނީ ވިދާޅުވެފައެވެ.
ރަތްމަންދޫ މީހުން އެހެން ރަށަކަށް ބަދަލުކުރާނީ ތިން ކޮޓަރީގެ ގެއެއް އަޅާދިނުމަށްފަހުކަމަށް ރައީސް ވިދާޅުވިއެވެ. އަދި ބަދަލުވާ އާއިލާތަކަށް މިހާރު ދެމުން އަންނަ 50000 ރުފިޔާގެ ފައިސާގެ އަދަދުވެސް ބޮޑުކުރާނެކަމަށް ރައީސް ވިދާޅުވިއެވެ.
