ހާފިޒުން ދަސްވެނިވުމަށް މިރޭ އިސްލާމީ މަރުކަޒުގެ ޖަލްސާކުރާ މާލަމުގައި ބޭއްވި ރަސްމިއްޔާތުގައި ހާފިޒުންނަށް ސަނަދު ހަވާލުކޮށްދެއްވީ ރައީސް މުހައްމަދު މުއިއްޒު އެވެ.
މިރޭ ދަސްވެނިވި ހާފިޒުންގެ ތެރޭގައި ހިމެނެނީ:
19 ފިރިހެން ހާފިޒުން
12 އަންހެން ހާފިޒުން
ހާފިޒުން ދަސްވެނިވުމުގެ ގޮތުން ބާއްވާ ހަފްލާއަކީ މިކަމަށް ހިތްވަރުދިނުމުގެ ގޮތުންނާއި ގުރުއާން މަތިވެރިވެރިކުރުމުގެ ގޮތުން 1447 ވަނަ އަހަރުން ފެށިގެން ބާއްވަން ނިންމި ހަލްފާއެ ކެވެ. މި ހަފްލާގައި ހާފިޒުންނަށް ރައީސް ދެއްވާ މެޑައްޔާއި އިނާމު 50 ހާފިޒުންނަށް ވަނީ ލިބިފަ އެވެ.
މިރޭގެ ރަސްމިއްޔާތުގައި ވާހަކަ ދައްކަވަމުން އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވީ ގުރުއާނަށް ހިދުމަތްކުރުމުގައްޔާއި ގުރުއާން ހިތުދަސްކުރުމުގެ ކަންތައްތައް ރާއްޖޭގެ ކަންކޮޅުތަކަށް ފެތުރުމުގައި ރާއްޖެ މިއަދު ދެކެމުން އަންނަނީ ހެޔޮ ދުވަސްތަކެއް ކަމަށެވެ.
ޝަހީމް ވިދާޅުވީ ރާއްޖޭގެ ހާފިޒުންގެ އަދަދު 301 އަށް އަރާފައިވާ ކަމަށެވެ.
