ފެބްރުއަރީ 13 ގައި ރިލީޒްކުރި މި ފިލްމަށް ބައިނަލްއަގުވާމީ މައިދާނުގައި ވެސް ބޮޑު ތަރުހީބެއް އަންނަނީ ލިބެމުންނެވެ. އެގޮތުން ދުނިޔޭގެ އެކި ކަންކޮޅުތަކުން މިހާތަނަށް 80 ކްރޯޑަށް ވުރެ ގިނަ ރުޕީސްގެ ގްރޮސް އާމްދަނީއެއް ވަނީ ލިބިފައެވެ. މިއީ ޝާހިދު ކަޕޫރުގެ ފިލްމީ ކެރިއަރުގައި އިންޑިއާއިން ފަސްވަނައަށް އެންމެ ބޮޑު އާމްދަނީއެއް ހޯދި ފިލްމެވެ. މިއާއެކު އޭނާގެ މަޝްހޫރު ފިލްމުތައް ކަމަށްވާ "ހައިދަރު" އާއި "އުޅްތާ ޕަންޖާބު" ގެ ރެކޯޑުތައް މިވަނީ މުގުރާލާފައެވެ.
މި ފިލްމުގައި ޝާހިދު ދައްކުވައިދީފައިވާ ވަރުގަދަ އެކްޓިންއަށް ގިނަ ބައެއްގެ ތައުރީފު ލިބެމުންދާއިރު، ސުޕަސްޓާ ރިތިކް ރޯޝަން ވެސް ވަނީ މި ފިލްމަށް ސޯޝަލް މީޑިއާގައި ތައުރީފުކޮށްފައެވެ. ރިތިކް ބުނި ގޮތުގައި މިފަދަ ރޯލުތައް އެންމެ ފުރިހަމައަށް ކުޅެވޭނީ ޝާހިދަށެވެ. ނަމަވެސް، ރިތިކްގެ މި ތައުރީފާ ގުޅިގެން ބައެއް ސަޕޯޓަރުން ވަނީ އޭނާގެ ކުރީގެ ފިލްމު "ދުރަންދަރު" އަށް އަމިއްލައަށް ދިން ފާޑުކިއުމާ އަޅާކިޔައި ސޯޝަލް މީޑިއާގައި ބަހުސްކޮށްފައެވެ.
"އޯ ރޯމިއޯ" ބޮކްސް އޮފީހުގައި މިހާ ވަރުގަދަޔަށް ހިފަހައްޓާފައިވަނީ ހާއްސަކޮށް ޒުވާނުންނާއި ސިޓީތަކުގެ ބެލުންތެރިންގެ މެދުގައި ފިލްމަށް އޮތް މަގުބޫލުކަމުގެ ސަބަބުންނެވެ. މިއީ މި ދުވަސްވަރު ރިލީޒްކުރި އެހެން ބައެއް ފިލްމުތަކަށް ވުރެ މާ ބޮޑު ތަރުހީބެއް ލިބެމުންދާ ފިލްމެއްކަން ފާހަގަކުރެވެއެވެ.
