ޑޮމެސްޓިކް ޓާމިނަލް ބަދަލުކޮށް އެތަނުން ހިދުމަތް ރަސްމީކޮށް ފައްޓަވާދެއްވީ ނައިބު ރައީސް ހުސައިން މުހައްމަދު ލަތީފުއެވެ.
ޑޮމެސްޓިކް ޓާމިނަލް ބަދަލުކޮށްފައިވަނީ ޓާމިނަލް 2 އަށް ބޮޑެތި ބަދަލުތަކެއް ގެނައުމަށް ފަހުއެވެ. އެގޮތުން ކުރީގެ ޑޮމެސްޓިކް ޓާމިނަލްގައި ބޭނުންކުރަމުން ދިޔަ 8 ޗެކިން ކައުންޓަރުގެ ބަދަލުގައި ޓާމިނަލް 2ގައި 27 ކައުންޓަރު ވަނީ ބެހެއްޓިފައެވެ. އަދި ސެކިއުރިޓީ ކްލިއަރެންސަށް ތިން މެޝިނާއި ހަ ޑިޕާޗާ ގޭޓު ވަނީ ބޭނުންކުރަން ފަށާފައެވެ.
ޑޮމެސްޓިކް ޓާމިނަލް ކުރީގެ އިންޓަނޭޝަނަލް ޓާމިނަލަށް ބަދަލުކުރުމުގެ ތެރެއިން
މީގެއިތުރުން ޑޮމެސްޓިކް ޓާމިނަލްގެ ބެގޭޖު ބެލްޓަށް ވުރެ ހަތަރު ގުނަ ބޮޑު ދެ ބެލްޓާއި ކުޑަކުދިން ކުޅޭނެ ސަރަހައްދަކާއި އެފްއެންޑްބީ ތިން އައުޓްލެޓްވެސް އާ ޑޮމެސްޓިކް ޓާމިނަލުގައި ހުރެއެވެ. އަދި ދެ ޖިންސުންގެ މީހުންނަށް ވަކިން ނަމާދު ކުރެވޭ ގޮތަށް ދެ ކޮޓަރިވެސް ވަނީ ގާއިމުކޮށްފައެވެ.
ރާއްޖޭގެ އެކި ހިސާބުތަކަށް އެތެރޭގެ ދަތުރުތައް މިހާރު ކުރަމުން އަންނަނީ ގައުމީ އެއާލައިން މޯލްޑިވިއަނުންނާއި ވިލާއިންނާއި މަންޓާއިންނެވެ.
ޑޮމެސްޓިކް ޓާމިނަލް ކުރީގެ އިންޓަނޭޝަނަލް ޓާމިނަލަށް ބަދަލުކުރުން
ވެލާނާ އެއާޕޯޓުގެ އާ ޓާމިނަލް ހުޅުވީ މިދިޔަ އަހަރުގެ މިނިވަން ދުވަހާއި ދިމާކޮށް ޖުލައި މަހުގެ 26 ވަނަ ދުވަހުގެ ރެއެވެ. ވެލާނާ އިންޓަނޭޝަނަލް އެއާޕޯޓް (ވީއައިއޭ)ގެ އާ ފަސިންޖަރު ޓާމިނަލުން ހުޅުވިތާ އަހަރެއްގެ ތެރޭގައި ފަސް ލައްކައަށް ވުރެ ގިނަ ފަސިންޖަރުންނަށް ހިދުމަތް ދީފައިވާ ކަމަށް އެމްއޭސީއެލުން ވަނީ ބުނެފައެވެ.
ޑޮމެސްޓިކް ޓާމިނަލް ކުރީގެ އިންޓަނޭޝަނަލް ޓާމިނަލަށް ބަދަލުކުރުން
އާ ޓާމިނަލާ އެކު އެމްއޭސީއެލްގެ އާމްދަނީ ފުރަތަމަ އަހަރު ވެސް 8-7 ޕަސެންޓަށް އިތުރުވެ، ޖެހިގެން އަންނަ އަހަރު 15 ޕަސެންޓަށް އިތުރުވާނެ ކަމަށް އެ ކުންފުނިން ވަނީ ލަފާކޮށްފަ އެވެ
