މި ހިސާބުތަކުން ދައްކާ ގޮތުގައި މިދިޔަ އަހަރު މިފަދަ ހަމަލާތައް ވަނީ 25 ޕަސަންޓު އިތުރުވެފައެވެ.
އިޒްރޭލުގެ އަސްކަރިއްޔާއިން ނެރުނު މި މައުލޫމާތުތަކުން އެނގޭ ގޮތުގައި، ހުޅަނގު އައްސޭރީގައި ގަވާއިދާ ހިލާފަށް އުޅޭ ޔަހޫދީ އާބާދީތަކުގެ މީހުން ފަލަސްތީނު މީހުންނަށް އަމާޒުކޮށް ގިނަ ހަމަލާތަކެއް ދީފައިވެއެވެ. އޭގެ ތެރޭގައި ޖިސްމާނީ ގޮތުން އަނިޔާކުރުމާއި، ފަލަސްތީނު މީހުންގެ މުދަލަށާއި ދަނޑުބިންތަކަށް ގެއްލުން ދިނުން ހިމެނެއެވެ. މިކަން މިގޮތަށް ހިނގާފައިވަނީ ގައްޒާގައި ހަނގުރާމަ ހިނގަމުންދިޔަ ދަނޑިވަޅެއްގައެވެ.
އިންޓަނޭޝަނަލް މުޖުތަމައުއިން މިފަދަ އަމަލުތައް ކުށްވެރިކުރި ނަމަވެސް، ހުޅަނގު އައްސޭރީގައި ހިންގާ މިފަދަ ޖަރީމާތައް ހުއްޓުވުމަށް އެކަށީގެންވާ ފިޔަވަޅުތަކެއް އެޅިފައެއް ނުވެއެވެ. އިޒްރޭލުގެ ސިފައިންގެ ހިމާޔަތުގައި ތިބެ، އެގައުމުގެ އާންމުން ހިންގާ މިފަދަ އަމަލުތަކުގެ ސަބަބުން ފަލަސްތީނުގެ ރައްޔިތުން ދިރިއުޅެމުންދަނީ ބިރުވެރިކަމެއްގެ ތެރޭގައެވެ.
