މިއީ މަރުބެނީގެ ވިޔަފާރި ފުޅާކުރުމުގެ ސްޓްރެޓެޖީގެ ދަށުން ނިންމި ނިންމުމެއް ކަމަށް އެ ކުންފުނިން ބުންޏެވެ. މި އެއްބަސްވުމާއެކު ގޯލާ ބްރޭންޑުގެ ހުރިހާ ހައްގުތައް މިހާރު ވަނީ މަރުބެނީގެ ދަށަށް ބަދަލުވެފައެވެ.
"ގޯލާ" އަކީ 1905 ވަނަ އަހަރު އުފެދުނު އިނގިރޭސިވިލާތުގެ ވަރަށް ދުވަސްވީ ބްރޭންޑެކެވެ. ހާއްސަކޮށް ފުޓުބޯޅަ ބޫޓާއި ކުޅިވަރު ސާމާނު އުފެއްދުމުގައި މަޝްހޫރުކަން ހޯދާފައިވާ މި ބްރޭންޑަކީ ޒަމާނީ ފެޝަނާ ގުޅޭގޮތަށް ބޫޓާއި ދަބަސް ފަދަ ތަކެތި ވިއްކަމުން އަންނަ ބްރޭންޑެކެވެ. މަރުބެނީން މި ބްރޭންޑު ގަތުމުގެ ކުރިން ވެސް ގޯލާގެ އުފެއްދުންތައް ދުނިޔޭގެ އެކި ކަންކޮޅުތަކުގައި ފުޅާ ދާއިރާއެއްގައި ވިއްކަމުން ދިޔައެވެ.
މި ވިޔަފާރީގެ މުއާމަލާތާ ގުޅޭގޮތުން މަރުބެނީން ބުނީ، އެ ކުންފުނީގެ އަމާޒަކީ "ގޯލާ" ބްރޭންޑް އިތުރަށް ތަރައްގީކޮށް އާ މާކެޓްތަކަށް ނެރުން ކަމަށެވެ. މަރުބެނީ ކޯޕަރޭޝަނަކީ ދުނިޔޭގެ އެކި ގައުމުތަކުގައި ވިޔަފާރީގެ މުއާމަލާތްތައް ހިންގާ ބިޔަ ކުންފުންޏަކަށް ވުމާއެކު، ކުރިއަށް އޮތް ތަނުގައި މި ބްރޭންޑުގެ ވިޔަފާރި އިތުރަށް ފުޅާވެގެންދާނެ ކަމަށް ބެލެވެއެވެ.
