މި މައްސަލައިގައި ފުލުހުން ހޯދަމުންދަނީ އުމުރުން 42 އަހަރުގެ ބަންގްލަދޭޝް މީހެއް ކަމަށްވާ އިގްބާލް ހޮސައިންއެވެ.
ފުލުހުން ބުނީ މި މީހާ ހޯދަމުންދަނީ އޭނާގެ މައްޗަށް ހުށަހެޅިފައިވާ މައްސަލައަކާ ގުޅިގެން ކޯޓަށް ހާޒިރުކުރަން ބޭނުންވެ، ހާޒިރުކުރެވިފައިނުވާތީ ކަމަށެވެ. އެހެންކަމުން، އޭނާ ހައްޔަރުކޮށް، ބަންދުގައި ބަހައްޓައިގެން މި ނޮވެމްބަރު މަހުގެ 30 ވަނަ ދުވަހުގެ ހެނދުނު 09:00 އަށް ކްރިމިނަލް ކޯޓަށް ހާޒިރުކޮށްދިނުމަށް ފުލުހުންގެ މައްޗަށް ކޯޓުން ވަނީ އަމުރުކޮށްފައެވެ.
ވީމާ މި މީހާއާ ގުޅޭ އެއްވެސް މައުލޫމާތެއް ލިބިފައިވާ ފަރާތެއް ވާނަމަ ފުލުހުންގެ ކަސްޓޯޑިއަލް ނަންބަރު 9991442 އަށް ގުޅުއްވައި، އެ މައުލޫމާތު ހިއްސާކުރެއްވުމަށް ފުލުހުން އެދެއެވެ. މިފަދަ ކަންކަމުގައި އާންމުންގެ ފަރާތުން ފުލުހުންނަށް ލިބެމުންދާ އެއްބާރުލުން އެ މުއައްސަސާއިން ފާހަގަކުރެއެވެ
