ފުލުހުންގެ އިންޓެލިޖެންސަށް ލިބުނު މައުލޫމާތަކާ ގުޅިގެން ހިންގި ހާއްސަ އޮޕަރޭޝަނެއްގައި މިމަހުގެ 18 ވަނަ ދުވަހު މާލެއިން ހައްޔަރުކޮށްފައިވަނީ އުމުރުން 34 އަހަރުގެ ދިވެހި ފިރިހެނަކާއި 19 އަހަރުގެ ޒުވާނެކެވެ.
މީގެ އިތުރުން ތުހުމަތުކުރެވޭ މީހާގެ ހަށިގަނޑުގައި ހެންވޭރު ގުރޫޕަކަށް ނިސްބަތްވާ ޓެޓޫއެއް ހުރިކަން ފުލުހުން ފާހަގަކުރުމުން، އޭނާ ބުނީ އެއީ ކުޑައިރު ފުޓުބޯޅަ ކުޅުނު އިރު ޖެހި އެއްޗެއް ކަމަށާއި ގޭންގުތަކާ ގުޅުމެއް ނޯންނާނެ ކަމަށެވެ.
މައްސަލަ ބެއްލެވި ގާޒީ ވަނީ ތުހުމަތުކުރެވޭ މީހާއަށް މަސްތުވާތަކެތީގެ ފަރުވާގެ ފުރުސަތު ފަހިކޮށްދިނުމަށް ފުލުހުންނަށް އަންގައި، އޭނާ 30 ދުވަހަށް ކަސްޓޯޑިއަލް ޖަލެއްގައި ބަންދުކުރަން އަމުރުކޮށްފައެވެ. ބަންދު އިތުރުކޮށްފިނަމަ ފަރުވާގެ ފުރުސަތު ގެއްލިދާނެ ކަމަށް އޭނާ ކޯޓުގައި ފާހަގަކުރިއެވެ. މި މައްސަލައިގައި ދެން ހައްޔަރުކުރި 19 އަހަރުގެ ޒުވާނާ ވަނީ ބަންދުން ދޫކޮށްލާފައެވެ. މާރާމާރީ ހިންގަން އުޅުނު ގުރޫޕެއް ހުއްޓުވާފައިވާއިރު، ރައީސް ޑރ. މުހައްމަދު މުއިއްޒު ދާދި ފަހުން ވިދާޅުވެފައިވަނީ ސަރުކާރުގެ ސިޔާސަތުތަކުގެ ސަބަބުން ރާއްޖޭގައި މިހާރު ގޭންގުތައް ވަރަށް މަދުވެފައިވާ ކަމަށެވެ.
