"ސެކްސް އެންޑް ދަ ސިޓީ" އިން ފެނުނު ފެޝަނަށް ލޯބިކުރާ ފަރާތްތަކަށް އަމާޒުކޮށްގެން ގެނެސްދޭ މި ޝޯގައި، ހޮލީވުޑްގެ އެންމެ ނަން މަޝްހޫރު ތަރިންތަކެއް ބައިވެރިވެއެވެ.
މި ޝޯގައި ފެނިގެންދާ އަގުބޮޑު ފެޝަންތަކުގެ ތެރޭގައި، ކިމް ކާޑޭޝިއަން ލައިގެން ހުރި ވިލް ޖީން ޕޯލް ގޯޓިއޭގެ ހެދުމަކާއި، ނައޮމީ ވޮޓްސް ލައިގެން ހުރި ވެލެންޓީނޯގެ ލެޕާޑް ޕްރިންޓް ކޯޓެއް ފާހަގަކޮށްލެވެއެވެ. މީގެ އިތުރުން ސާރާ ޕޯލްސަން ފަދަ ތަރިން ޑިއޯގެ އަގުބޮޑު ސޫޓުތަކުން ފެނިގެންދާއިރު، މިއީ ފެޝަނަށް ލޯބިކުރާ ފަރާތްތަކުގެ މެދުގައި ބޮޑު މަގުބޫލުކަމެއް ހޯދާފައިވާ ޝޯއެކެވެ.
"އޯލްސް ފެއާ" ގެ އެކްޓިންއަށް ބައެއް ފަރާތްތަކުން ފާޑުކިޔުން އަމާޒުކޮށްފައިވެއެވެ. ހާއްސަކޮށް، ކިމް ކާޑޭޝިއަންގެ އެކްޓިންއަށް ވަނީ އެންމެ ތަރިއެއްގެ ރިވިއުއެއް ލިބިފައެވެ. ނަމަވެސް، ފެޝަންގެ ދާއިރާއިން ބަލާއިރު، މި ޝޯއަށް "ފަސް ތަރީގެ ފެޝަން ޓީވީ" ޝޯއެއްގެ ގޮތުގައި ގިނަ ބަޔަކު ދަނީ ތައުރީފު ކުރަމުންނެވެ.
