އެ ގައުމުގެ ފުލުހުން ބުނާ ގޮތުގައި އެ ހަމަލާގައި މަރުވެފައިވަނީ ޖަޖް އެސްޓްރިޓް ކެލާޖާ ނަމަކަށް ކިޔާ ފަނޑިޔާރެއް ކަމުގަ އެވެ.
އެ އިދާރާއިން ބުނާ ގޮތުގައި މި ހަމަލާ ދިން 30 އަހަރުގެ މީހާ ވަނީ ފަނޑިޔާރު ގެ އިތުރުން އެ ސަރީއަތުގެ މަޖިލީހުގައި ތިބި ބައްޕަ އަކާއި ދަރިފުޅެއް ގަޔަށް ބަޑި ޖަހާ ޒަހަމް ކޮށްލާފައި ކަމަށެވެ. ނަމަވެސް އެ ދެ މީހުންނައް ފުރާނައަށް ނުރައްކާވާ ފަދަ އަނިޔާއެއް ލިބިފައި ނުވާ ކަމަށް އެ ގައުމުގެ ހަބަރު ފަތުރާ ވަސީލަތް ތަކުން ބުނެ އެވެ.
މި ހާދިސާ އާއި އެ ގައުމުގެ ބޮޑު ވަޒީރު އެޑީ ރަމާ ވިދާޅުވީ މިއީ ވަރަށް ހިތާމަވެރި ހާދިސާ އެއް ކަމަށާއި މިކަމުންވެސް އެނގިގެން ދަނީ އެ ގައުމުގެ ކޯޓުތަކުގެ ސެކިއުރިޓީގެ ފެންވަރު ދަށް ކަންކަމުގަ އެވެ.
އަލްބޭނިއާގެ ވެރިރަށް ޓިރާނާގައި ހިނގި މިހާދިސާ ހިންގާފައިވަނީ ބަޑިން ހަމަލާދިން މީހާގެ ސަރީއަތް ކުރިޔަށް ދަނިކޮންނެވެ.
މިއަހަރުގެ ތެރޭގައި އެކަނިވެސް އެ ގައުމުގައި 213 ބަޑި ޖެހުމުގެ މައްސަލަ ކަމާއި ގުޅުން ހުރި އިދާރާތަކަށް ލިބި ތަހުގީގު ކޮށްފައިވާ ކަމަށް އެ އިދާރާތަކުން ބުނެ އެވެ.
އެ ގައުމުގެ ގާނޫނުގައި ބުނާ ގޮތުން ބަޑި ގެންގުޅުމަކީ ގާނޫނާއި ހިލާފަކަމެއް ކަމަށާއި ބަޑި ގެންގުޅުން ކަން ސާބިތު ވެއްޖެ ނަމަ 3 އަހަރަށް ޖަލަށް ލެވިގެންދާނެ ކަމަށް އެ ގައުމުގެ ހަބަރު ފަތުރާ ވާސީލަތްތަކުން ބުނެ އެވެ.
