މީޑިއާ ބިލާ ދެކޮޅަށް ނޫސްވެރިން އިހްތިޖާޖުކުރަމުން ދަނިކޮށް އިއްޔެ ބިލް ފާސްކުރީ ސަރުކާރުގެ 60 މެމްބަރުންގެ ވޯޓާއި އެކުއެވެ. އިދިކޮޅަށް ވޯޓް ދިނީ ވެލިދޫ ދާއިރާގެ މެމްބަރު މުހައްމަދު އައްބާސްއެވެ. ބިލަށް ވޯޓަށް އެހުމުގެ ކުރިން އެމްޑީޕީގެ ހުރިހާ މެމްބަރުންގެ ނަން އިއްވާ ތަޅުމުން ބޭރުކުރުމަށް ފަހުއެވެ.
ބިލް އިއްޔެ ފާސްކުރި އިރު އެ ބިލާއި ދެކޮޅަށް ބްރޯޑްކޮމާއި އެމްއެމްސީ ބައިނަލްއަގްވާމީ ބައެއް ޖަމިއްޔާތާކުންވެސް އަންނަނީ ކަންބޮޑުވުން ފާޅުކުރަމުންނެވެ.
މީޑިއާ ކޮންޓްރޯލް ބިލު ދިރާސާކުރާ މަޖިލީހުގެ މިނިވަން މުއައްސަސާތަކުގެ ކޮމިޓީން އެމްއެމްސީގެ މެމްބަރުންނާ އެކު ބޭއްވި ބައްދަލުވުމުގެ ތެރެއިން.
މި ބިލުގައިވާ ގޮތުން ރައީސް ބިލު ތަސްދީގު ކުރައްވާ ދުވަހުން ފެށިގެން ގާނޫނަށް އަމަލުކުރަން ޖެހޭނެއެވެ.
މި ބިލުގައިވާ ގޮތުން ބިމަށް އަމަލުކުރަން ފެށުމުން ބްރޯޑްކޮމްއާއި އެމްއެމްސީ އުވާލައި އާ ކޮމިޝަން އުފައްދަން ޖެހެއެވެ. އަދި މީޑިއާ ކައުންސިލާއި ބްރޯޑްކޮމްގެ މެމްބަރުންގެ މަގާމު ގެއްލޭނެ ކަމަށް ބިލުގައިވެއެވެ.
އެހެންނަމަވެސް، މީޑިއާ ކައުންސިލާއި ބްރޯޑްކޮމްގައި ތިބި މުވައްޒަފުން އަލަށް އުފައްދާ ކޮމިޝަނުގެ މުވައްޒަފުންގެ ގޮތުގައި ބަދަލުކުރާން ޖެހޭނެކަމަށް ބިލުގައި ހިމަނާފައިވެއެވެ.
