މި މައްސަލަ ހުށަހަޅާފައިވަނީ ހުންޑާއީ ކާރެއް ގަތް އަންހެނަކު، އެ ކާރުގައި އުފެއްދުމުގެ މައްސަލަތަކެއް ހުރި ކަމަށް ބުނެ އެވެ. މި ދެ ތަރިންގެ އިތުރުން ހުންޑާއީ ކުންފުނީގެ ހަ މުވައްޒަފެއްގެ މައްޗަށްވެސް މި މައްސަލާގައި ދައުވާކޮށްފައިވެ އެވެ. މައްސަލައިގެ ތަހުގީގު ފަށާފައިވަނީ ރާޖަސްތާނުގެ ބާރަތުޕޫރުގައި ހުންނަ ކޯޓަކުން ފުލުހުންނަށް ކުރި އަމުރަކާ ގުޅިގެންނެވެ.
އިންޑިއާގެ 2019 ވަނަ އަހަރުގެ ކޮންސިއުމާ ޕްރޮޓެކްޝަން އެކްޓްގެ ދަށުން، އޮޅުވާލައިގެން އިޝްތިހާރުތަކުގައި ބައިވެރިވާ ނުވަތަ ދަށް ފެންވަރުގެ އުފެއްދުންތައް ޕްރޮމޯޓްކުރާ ބްރޭންޑް އެމްބެސެޑަރުންގެ މައްޗަށް ގާނޫނީ ފިޔަވަޅު އެޅޭނެއެވެ. ފުލުހުން މިހާރު މި މައްސަލަ ބަލަމުން އަންނަނީ އިންޑިއާގެ ގާނޫނުލް އުގޫބާތުގެ 420 ވަނަ މާއްދާގެ ދަށުންނެވެ.
ޝާހް ރުކް ހާން އަކީ 1998 ވަނަ އަހަރުން ފެށިގެން ހުންޑާއީގެ އެމްބެސެޑަރެކެވެ. ދީޕިކާ އެ ކުންފުންޏާ ގުޅުނީ 2023 ވަނަ އަހަރުގެ ޑިސެމްބަރު މަހުގަ އެވެ.
