މަޖިލީހުގެ އިދާރާއިން ކަރަންޓް ކެނޑުނީ ޖަލްސާ ފެށުނުތާ 10 ވަރަކަށް މިނެޓްގެ ތެރޭގައެވެ. ޖަލްސާ ގެ ރިޔާސަތުގައި އިންނެވި މަޖިލީހުގެ ރައީސް އަބްދުއްރަހީމް އަބްދުﷲ ވިދާޅުވީ ކަރަންޓަށް ވީ ގޮތެއް އަދި ނޭގިގެން އުޅޭތީ އެކަން ވާނުވާ ބަލާލުމަށް ޖަލްސާ މެދު ކަނޑާލާކަމަށެވެ. '
މަޖިލީހުގެ ޖަލްސާ މެދުކަނޑާލިއިރު މިއަދުގެ ޖަލްސާގައި މާ ގިނަ މަސައްކަތެއްވެސް ތާވަލުކުރެވިފައެއް ނުވެއެވެ. މަޖިލީހުގެ އެޖެންޑާގައިވާ ގޮތުން މިއަދު އޮތީ ހިއުމަން ރައިޓްސް ކޮމިޝަނަށް ދެ މެމްބަރުން އައްޔަން ކުރުމަށް ރައީސް މުއިއްޒު ފޮނުއްވި ނަންތައް ދިރާސާކުރި ކޮމެޓީގެ ރިޕޯޓް އިއްވުމާއި ގައުމީ ޕޭމަންޓް ސިސްޓަމްގެ ގާނޫނު އަށް އިސްލާހު ގެނައުމުގެ ބިލު މާލިއްޔަތު ކޮމިޓީން ދިރާސާ ކޮށް ނިންމިގޮތުގެ ރިޕޯޓް އިއްވާ ބަހުސް ކުރުމެވެ.
މަޖިލިހުން ކަރަންޓް ކެނޑުނު އިރު ހިއުމަން ރައިޓްސް ކޮމިޝަނަށް ދެ މެމްބަރުން އައްޔަން ކުރުމަށް ރައީސް މުއިއްޒު ފޮނުއްވި ނަންތައް ދިރާސާކުރި ކޮމެޓީގެ ރިޕޯޓް އިއްވާ ބަހުސްވެ ކޮށް ވަނީ ނިމިފައެވެ. އެހެންކަމުން ކަރަންޓް ނުދިޔަނަމަވެސް މިއަދުގެ ހުސްވަގުތުކުރުން މަޖިލިސްގެ މަސައްކަތް ނިމެނޭނެކަމަށް ބެލެވެއެވެ.
