މިގޮތަށް ވިދާޅުވެފައިވަނީ ޕާކިސްތާނުގެ 78 ވަނަ މިނިވަން ދުވަހާ ގުޅިގެން ރައީސް ޑރ. މުހައްމަދު މުއިއްޒު ސޯޝަލް މީޑިއާގައި ކުރެއްވި ޕޯސްޓަކަށް ޖަވާބު ދެއްވަމުންނެވެ.
ޕާކިސްތާނުގެ ޕްރައިމް މިނިސްޓަރު އިތުރަށް ވިދާޅުވެފައިވަނީ ރައީސް މުއިއްޒުގެ މެސެޖަކީ ރާއްޖެއާއި ޕާކިސްތާނާ ދެމެދު އޮތް އެކުވެރި، އަހުވަންތަ ގުޅުން ދެމިއޮތްކަމުގެ ރަމްޒެއް ކަމަށެވެ. އަދި ކުރިއަށް އޮތްތަނުގައިވެސް މި ގުޅުން އިތުރަށް ބަދަހިވާނެކަމަށް އުއްމީދުކުރައްވާ ކަމަށް ޝަރީފް ވިދާޅުވިއެވެ.
ރައީސް މުއިއްޒު އެ ގައުމުގެ މިނިވަން ދުވަހާ ގުޅިގެން ކުރެއްވި ޕޯސްޓުގައި ޕާކިސްތާނުގެ ރައީސް އާސިފް އަލީ ޒަރްދާރީ އާއި ޕްރައިމް މިނިސްޓަރު ޝަރީފަށް އަދި އެ ގައުމުގެ ރައްޔިތުންނަށް ތަހުނިޔާ ފޮނުއްވާފައިވެއެވެ.
މުސްތަގުބަލުގައި ދެ ގައުމުގެ ގުޅުން ބަދަހިވެގެންދާނެ ކަމަށް އުއްމީދުކުރައްވާ ކަމަށްވެސް ވިދާޅުވެފައިވެއެވެ. ރާއްޖެއާއި ޕާކިސްތާނާ ދެމެދު ހާރިޖީ ގުޅުން ގާއިމްކޮށްފައިވަނީ 1966 ވަނަ އަހަރުގެ ޖުލައި 26 ވަނަ ދުވަހުއެވެ.
