މި ސްކޮލަޝިޕްތައް ރަސްމީކޮށް ހަވާލުކޮށްދެއްވީ އެޑިއުކޭޝަން މިނިސްޓަރު ޑރ. އިސްމައީލް ޝަފީއެވެ.
އެމްއެމްއޭއިން ބުނީ މި ސްކޮލަޝިޕްގެ ދަށުން ބައިވެރިންނަށް މެލޭޝިއާގެ އިންސެއިފް ޔުނިވަސިޓީގެ އެގްޒެކެޓިވް މާސްޓާސް އިން އިސްލާމިކް ފައިނޭންސް (އީއެމްއައިއެފް) ކޯހުގައި ބައިވެރިވުމުގެ ފުރުސަތު ލިބޭނެ ކަމަށެވެ.
މި 15 ސްކޮލަޝިޕްގެ ތެރެއިން ފަސް ސްކޮލަޝިޕަކީ ހުރިހާ ހަރަދެއް ހަމަޖައްސައިދޭ، ފުލީ ފަންޑެޑް ސްކޮލަޝިޕްތައް ކަމަށާއި، ބާކީ 10 ސްކޮލަޝިޕަކީ ބައެއް ޚަރަދުތައް ހަމަޖައްސައިދޭ ސްކޮލަޝިޕްތައް ކަމަށް އެމްއެމްއޭއިން ބުންޏެވެ.
މި ޕްރޮގްރާމަކީ ވިޔަފާރިތަކާއި، އިޖުތިމާއީ އަދި އިގުތިސޯދީ ތަރައްގީ ކުރިއެރުވުމަށް ބޭނުންވާ ހުނަރާއި ވިސްނުން ބައިވެރިންނަށް ދަސްކޮށްދިނުމަށް ފަރުމާކޮށްފައިވާ ޕްރޮގްރާމެއް ކަމަށް ވެސް އެމްއެމްއޭއިން ބުންޏެވެ.
އެމްއެމްއޭގެ އިން ހާމަކުރާގޮތުގައި މި ސްކޮލާޝިޕްތަކަކީ ދިވެހިރާއްޖޭގެ ކުރިއަރަމުންދާ އިސްލާމިކް ފައިނޭންސްގެ ދާއިރާ އިތުރަށް ހަރުދަނާކޮށް އަދި އެދާއިރާއިން މީހުން ބިނާކުރުމަށް އެމްއެމްއޭގެ ސްޓްރެޓެޖިކް ލަނޑުދަނޑިތަކުގެ ތެރޭގައި ހިމެނޭ ކަމެކެވެ.
