މި ނިންމުން ފާސްކުރީ މިއަދު ބޭއްވި ރައްޔިތުންގެ މަޖިލީހުގެ ޖަލްސާގައި، 59 މެންބަރުންގެ ވޯޓުންނެވެ.
ރައީސް ޑރ. މުހައްމަދު މުއިއްޒު ފޮނުއްވި ނަންފުޅަށް މަޖިލީހުން ރުހުން ދިނުމާއެކު، އައިޝަތު އަޒީމާ މިހާރު އަދާކުރައްވަމުން ގެންދަވާ އިންޑިއާގެ ސަފީރުކަމުގެ އިތުރުން ނޭޕާލްގެ ނޮން-ރެސިޑެންޓް ސަފީރުގެ މަގާމު ވެސް އަދާކުރައްވާނެއެވެ.
ރައީސް މުއިއްޒު އިންޑިއާގެ ސަފީރުގެ ގޮތުގައި އައްޔަންކުރައްވާފައިވާ އައިޝަތު އަޒީމާގެ އިތުރުން، އިނގިރޭސިވިލާތަށް ކަނޑައަޅާފައިވާ ސަފީރު އިރުތިޝާމް އާދަމް އަޔަލެންޑްގެ ނޮން-ރެސިޑެންޓް ސަފީރުކަމަށާއި، ބެލްޖިއަމް އަދި އދ. ގައި ހުންނަވާ ސަފީރު ގީލާ އަލީ ޔޫކްރެއިންގެ ނޮން-ރެސިޑެންޓް ސަފީރުކަމަށް ހަމަޖެއްސުމަށް ވެސް މަޖިލީހަށް ހުށަހަޅުއްވާފައިވެއެވެ.
އެހެންނަމަވެސް، މިއަދުގެ ޖަލްސާގައި އިރުތިޝާމް އާދަމް އަދި ގީލާ އަލީގެ ނަންފުޅުތަކަށް ވޯޓު ނަގާފައެއް ނުވެއެވެ. ނޮން-ރެސިޑެންޓް ސަފީރުންނަކީ ކަނޑައަޅާ ގައުމުގައި ދިރިއުޅުއްވާ ބަދަލުގައި، އެހެން ގައުމެއްގައި ހުންނަވައިގެން އެ ގައުމަކަށް ރާއްޖެ ތަމްސީލުކުރައްވާ ސަފީރުންނެވެ.
