ދިވެހި ހައްޖާޖީން އަރާފަތަށް ދަތުރު ފެށީ ރޭ މައްކާ ގަޑިން 21:30 އެވެ. އަދި ފަތިސްވުމުގެ ކުރިން ހުރިހާ ހާޖީންވަނީ އަރާފާތަށް ގޮސްފައެވެ.
ދިވެހި ހާޖީން އަރަފާތު ޓެންޓުގައި މަޑުކޮށްލައިގެން
އަރަފާތު ސަރަހައްދުގައި މިއަދު ހޫނުމިމް 50 ޑިގްރީ ސެލްސިއަސް އާ ގާތް ކުރާނެކަމަށް ސައުދީ ސަރުކާރުނ.ް އިން ބުނެއެވެ. އެހެންކަމުން ސައުދީ ސަރުކާރުން އަންގާފައިވާ ގޮތަށް އަމަލުކުރުމަށް ހައްޖު މިޝަން އިން ވަނީ އެދިފައެވެ.
" ގަދަ ހޫނުގެ ސަބަބުން ކުރިމަތިވެދާނެ ނުރައްކާތަކުން ސަލާމަތްވުމަށްޓަކައި ހައްޖާޖީން މާދަމާ ހެނދުނު 10:00 އަކުން ފެށިގެން ހަވީރު 4:00 އަކާ ހަމައަށް އެ ބަޔަކަށް ހާއްސަކުރެވިފައިވާ ޓެންޓުތަކުގައި ތިބުމަށް ސައުދީގެ ހައްޖު މިނިސްޓްރީން ވަނީ އިލްތިމާސްކޮށްފައި." ހައްޖު މިޝަންއިން ބުނެއެވެ.
ދިވެހި ހާޖީން އަރަފާތު ޓެންޓުގައި ހެނދުނުގެ ސައިގެ ވަގުތުގައި
މި އަހަރު ރާއްޖެއިިން ހައްޖަށް ގޮސްފައިވަނީ ރަސްމީ ކޯޓާގެ ގޮތުގައި ލިބޭ 1000 މީހުންނެވެ.
ހައްޖުގެ އަޅުކަން ފުރިހަމަ ކުރަން ހައްޖާޖީން އަރާފާތަށް ވަންނަން ފަށާފައިވާއިރު މިއަދު އެއްކޮށް އަރަފާތު ޓެންޓްތަކުގައި ތިބުމަށްފަހު އަރަފާތު ބިމުން ނުކުންނާނީ ހައްޖު ދުވަހުގެ އިރު އޮއްސުމުންނެވެ. އަދި ހުކުރު ވިލޭރޭ ހުރިހާ ހައްޖުވެރިން މުޒްދަލިފާގައި ރޭ ކުރުމަށްފަހު މިނާގެ ފޭލިގެތަކަށް ވަންނާނީ އީދު ދުވަހު ޖަމްރާއަށް ހިލަ އުކުމަށް ފަހުއެވެ.
