މަންދީ އަދި ސާޖިދާ
ފަސްޓުލޭޑީ ހުށަހެޅުއްވި މައްސަލައަށް ޖަވާބުދާރީވާން ފުރުސަތު ދީފި
ގުފްތަގް އަޖީރު
30 އޭޕްރީލް 2025 - 18:12:44
ފަސްޓްލޭޑީ ސާޖިދާ އަހުމަދު، އެމްޑީޕީގެ އެކްޓިވިސްޓް މަރިޔަމް ޒުބައިރު (މަންދީ) ގެ މައްޗަށް ފެމިލީ ކޯޓުގައި ކުރި ދައުވާގެ ޝަރީއަތް މިއަދު ފަށައިފިއެވެ. މި މައްސަލައިގައި މަންދީއަށް ޖަވާބުދާރީވުމަށް އަންނަ މަހުގެ 15 ވަނަ ދުވަހަށް ކޯޓުން ވަނީ ފުރުސަތު ދީފިއެވެ.
Advertisement
ރައީސް ޑރ. މުހައްމަދު މުއިއްޒުގެ ދަރިކަލުން، އުމެއިރު މުހައްމަދު މުއިއްޒު ވޭޕްކުރާ ކަމަށް މަންދީ ތުހުމަތުކޮށް ދެއްކި ވާހަކަތަކާ ގުޅިގެން، ފަސްޓްލޭޑީ ސާޖިދާ އަހުމަދު ވަނީ ކުޑަކުދިންގެ ހައްގުތައް ރައްކާތެރިކުރުމުގެ ގާނޫނުގެ ދަށުން ދައުވާ އުފުލާފައެވެ. މިއަދު ބޭއްވުނު ޝަރީއަތުގެ ފުރަތަމަ އަޑުއެހުމުގައި އޮތީ ދައުވާ ކުރި ފަރާތުން ދައުވާ ހުށަހެޅުން ކަމަށް ފެމިލީ ކޯޓުން ބުންޏެވެ.
އަންނަ މަހުގެ 15 ވަނަ ދުވަހު ބޭއްވޭ އަޑުއެހުމުގައި މަންދީއަށް ދައުވާއަށް ޖަވާބުދާރީވެ ހެކި ހާމަކުރުމަށް ފުރުސަތު ދީފައިވާ ކަމަށް ކޯޓުން މައުލޫމާތު ދީފައިވެއެވެ. މި މައްސަލައަކީ ސޯޝަލް މީޑިއާގައި ގިނަ ބަޔަކު ޝައުގުވެރިކަން ފާޅުކުރަމުންދާ މައްސަލައެއް ކަމަށްވެފައި، ކުރިއަށް އޮތް އަޑުއެހުންތަކަށް ގިނަ ބަޔަކު ޝައުގުވެރިކަން ފާޅުކުރަމުންދެއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
