ޖޯޖިއާ ހެރިސަން
ޖޯޖިއާ ހެރިސަން ބޯއީފްރެންޑަށް ބަލިވެ އިނދެއްޖެ
އިމާދު އަލީ
26 އޭޕްރީލް 2025 - 23:17:23
ލަވް އައިލެންޑް އިން މަގުބޫލުކަން ހޯދި 30 އަހަރުގެ ޖޯޖިއާ ހެރިސަން އޭނާގެ އުމުރުން 33 އަހަރުގެ ބޯއީފްރެންޑް ޖެކް ސްޓޭސީ އަށް ބަލިވެ އިންކަން ހާމަކޮށްފިއެވެ.
Advertisement
ބަލިވެ އިން ނަމަވެސް މި ދެ މީހުން އެކުގައި އުޅެފައިވަނީ އަދި އެންމެ 10 މަސް ދުވަހުއެވެ. ކުރު މުއްދަތަކަށް ކަމުގައި ވިޔަސް، މިހާރު އެސެކްސްގައި އެއްކޮށް ދިރިއުޅެމުންދާއިރު ދަރިފުޅު ލިބޭނެކަމަށް ބެލެވެނީ ނޮވެމްބަރ 2025 ގައެވެ.
ޖޯޖިއާ ހެރިސަން އޭނާގެ އުފާވެރި ހަބަރު ހިއްސާކޮށްފައިވަނީ އިންސްޓާގްރާމްގައި ބަނޑުގެ ފޮޓޯތަކެއް ޕޯސްޓްކޮށްގެންނެވެ. އޯކޭ މެގަޒިން އަދި ޑެއިލީ މިރާ އަށް ދިން އިންޓަވިއުއެއްގައި ޖޯޖިއާ ބުނީ، "އަހަރެން އަބަދުވެސް ބޭނުންވި ހުރިހާ އެއްޗެއް ލިބުނުކަން އަދިވެސް ގަބޫލެއް ނުކުރެވޭ" ކަމަށެވެ.
ޑޭޓިން އެޕެއްގައި ބައްދަލުވި މި ދެމަފިރިން މިހާރު ދަރިފުޅު ލިބުމަށް ތައްޔާރުވަމުންދާކަން ހާމަކޮށްފައިވެއެވެ.
ޖޯޖިއާގެ މި ހަބަރަށް ލަވް އައިލެންޑްގެ އެހެން ބައިވެރިން، ހާއްސަކޮށް ބަނޑުބޮޑުވެފައިވާ އަރަބެލާ ޗީ އަދި މޮލީ ސްމިތް ފަދަ ބައިވެރިން މުބާރަކްބާދީ ދީފައިވެއެވެ. ރިވެންޖް ޕޯން މައްސަލައެއް ހިމެނޭ އަމިއްލަ ދަތިތަކެއް ކުރިމަތިވުމަށްފަހު، ޖޯޖިއާ މިހާރު ޖެކް ސްޓޭސީއާއެކު އާ ހަޔާތެއް ފަށަމުންދާކަން ފާހަގަކޮށްފައިވެއެވެ. ޖޯޖިއާ އޭނާގެ ބޯއީފްރެންޑް ސިފަކޮށްފައިވަނީ އޭނާގެ "ހެޕީ އެންޑިން" ގެ ގޮތުގައެވެ.
33%
ކަމުގޮސްފި
67%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
