ފައްޔާޒް ވިދާޅުވީ ޕްރިފެރެންޝަލް ވޯޓިންގ އަށް ދިއުމަކީ ވޯޓުލާ އާބާދީގެ ގިނަ ބައެއްގެ ހައްގުތަކަށް ހުރަސް އެޅިދާނެ ކަމެއް ކަމަށެވެ.
އެކްސްގައި ކުރެއްވި ޕޯސްޓެއްގައި ފައްޔާޒް ވިދާޅުވީ، ރާއްޖެ ފަދަ ކުޑަ ގައުމެއްގައި، މަދު ގަޑިއިރުތަކެއްގެ ތެރޭގައި ވޯޓު ގުނައި، ނަތީޖާ އިއުލާނު ކުރާއިރު އިންތިހާބީ ރައީސަކު ހުވާ ކުރައްވަން ޖެހިވަޑައިގަންނަވާނީ ވޯޓުލާ އާބާދީގެ އަގުލަބިއްޔަތު ލިބި، ސާފު މެންޑޭޓަކާ އެކު ކަމަށެވެ.
މި ބަހުސް އަލުން ފެށިފައިވަނީ ރައީސް ޑރ. މުހައްމަދު މުއިއްޒު ޕްރިފެރެންޝަލް ވޯޓިން ނިޒާމަށް ބަދަލުވުމަށް ތާއީދުކުރައްވާ ކަމަށް ވިދާޅުވެ، ރައްޔިތުންގެ މަޖިލީހުގެ މެންބަރުންގެ ތާއީދަށް އެދިވަޑައިގެންފައިވާތީއެވެ. ރައީސް މުއިއްޒު ކުރިން ވިދާޅުވެފައިވަނީ އެއްބުރުން ރިޔާސީ އިންތިހާބު ނިންމުމުން ހަރަދު ކުޑަކުރެވޭނެ ކަމަށެވެ. އެހެންނަމަވެސް ފައްޔާޒް ދެކެވަޑައިގަންނަވާ ގޮތުގައި މިކަމުގައި ފުޅާ ދާއިރާއެއްގައި ބަހުސްކޮށް މަޝްވަރާ ކުރަން ޖެހެއެވެ.
