އިޒްރޭލު ޕާސްޕޯޓު ރާއްޖޭގައި މަނާކުުރަން ނިންމަން، އިމިގްރޭޝަން ގާނޫނަށް އިސްލާހު ގެނައުމުގެ ބިލު ހުށަހެޅުއްވީ ގަލޮޅު ދެކުނު ދާއިރާގެ އެމްޑީޕީ މެންބަރު މީކާއިލް އަހުމަދު ނަސީމެވެ. މި ބިލުގެ ބަހުސް މިއަދު ވަނީ މަޖިލީހުގައި ފަށާފައެވެ.
މި ބަހުސްގައި ވާހަކަ ދައްކަވަމުން ގާސިމް ވިދާޅުވީ މި ސިޔާސީ ބޭނުމުގައި އިދިކޮޅު އެމްޑީޕީން ހުށައަޅާފައިވާ ބިލެއްކަމަށެވެ.
ގާސީމް ވިދާޅުވީ އިޒްރާއީލު މީހުން ނުވަތަ ޔަހޫދީންނަށް ނާދެވޭ ގޮތަށް ނިންމާ ނިންމަކީ ﷲ ފޮނުއްވި ރަސޫލަކަށްް އިމާންވި ބައެއް ނާދެވޭނެ ގޮތަށް ނިންމާ ނިންމުމެއްކަމުން އެކަމާއި މެދު ވަރަށް ފުންކޮށް ވިސްނަންޖެހޭކަމަށެވެ.
ގާސިމް ވިދާޅުވީ އެގޮތަށް ވިސްނަންޖެހޭނީ ފަލަސްތީނު ރައްޔިތުން ތަހަމްލުކުރަމުން ދާ އަނިޔާވެރިކަން ހިތައް ނުގެންނާތީ ނޫންކަމަށެވެ. ގާސިމް ވިދާޅުވީ އިޒްރާއީލް ޕާސްޕޯޓް މަނާކުރުމުގެ މަސައްކަތަކީ ވަރަށް ވިސްނުންތެރިކަމާއި އެކު ނޫން ގޮތަކަށް ނުކުރެވޭނެކަމެއްކަމަށެވެ.
މި މައްސަލާގައި ސަރުކާރުގެ ވިސްނުމާއި މެދު އެއްޗެއް ބުނަން ބޭނުން ނުވާކަމަށާއި އެހެންނަމަވެސް ރައްޔިތުންގެ މަންދޫބުގެން ގޮތުގައި މަޖިލީހުގައި ތިބި މެމްބަރުން ނިންމާ ނިންމުން ވާންވާނީ ރާއްޖޭގެ މުސްތަގުބަލާއި އަދި ރާއްޖޭގެ ސަލާމަތާއި ރައްކާތެރިކަމުގެ މައްޗަށް ވިސްނައިގެން ނިންމާ ނިންމުމަކަމަށް ގާސިމް ވިދާޅުވިއެވެ.
އިޒްރާއީލް ޕާސްޕޯޓް މަނާކުރަން މަޖިލީހަށް ހުށައެޅި ބިލް 241 ކޮމެޓީއަށް ފޮނުވުމަށް ސަރުކާރު މެމްބަރުން ވަނީ ހުށައަޅާފައެވެ. މި ހުށައެޅުމަށް ވޯޓަށް އަހާނީ މިއަދުގެ ވޯޓްގެ ގަޑީގައެވެ.
