އިންޑިއާގެ ބޮޑުވަޒީރު ނަރެންދުރަ މޯދީ މިގޮތަށް އަނެއްކާވެސް އިލްތިމާސް ކުރައްވާފައިވަނީ އާދީއްތަ ދުވަހު ގުޖުރާތުގެ ޚޯޑަލްދަމް ޓްރަސްޓް ކެންސަރު ހޮސްޕިޓަލުގެ ބިންގާ އެޅުމުގެ ރަސްމިއްޔާތުގައި ވާހަކަފުޅު ދައްކަވަމުންނެވެ.
މޯދީ ވަނީ ފަތުރުވެރިކަން ކުރިއެރުވުން ހިމެނޭ ގޮތަށް ނުވަ ވައުދެއް ވުމަށް ގައުމުގެ ރައްޔިތުންނަށް އިލްތިމާސް ކުރައްވާފައިވާކަމާސް ނޫސް އެޖެންސީ އޭއެންއައި އިން ވަނީ ރިޕޯޓުކޮށްފައެވެ.
މޯދީ އަނެއްކާވެސް އިންޑިއާގެ ފަތުރުވެރިކަން ކުރިއެރުވުމަށް އިލްތިމާސް ކުރައްވާފައިމިވަނީ، ލަކްޝަދީޕަށް މޯޑީ ކުރެއްވި ދަތުރުފުޅަކާއި ގުޅުވައިގެން ދިވެހިރާއްޖޭގެ ތިން ސްޓޭޓް މިނިސްޓަރަކު މޯޑީއަށް މުހާތަބުކުރައްވައި ބަދު ބަސްތަކެއް ވިދާޅުވުމާއި ގުޅުގެން، މޯދީގެ ސަޕޯޓަރުން ދިވެހިރާއްޖޭގެ ފަތުރުވެރިކަން ބޮއިކޮޓްކުރުމަށް ގޮވާލަމުން ގެންދާ ދަނޑިވަޅެއްގައެވެ.