މިގޮތުން ދޫނި އެކަތި އަނެކަތި ވަރުކުރާ ބައެއް ސަބަބުތައް ސައިންސުވެރިން މިހާރު ވަނީ ހާމަކޮށްފައެވެ.
އެހެން ދޫންޏަކާއެކު ޖިންސީ ގުޅުން ހިންގުން: ދިރާސާތަކުން ދައްކާ ގޮތުގައި ގިނައިން ޖިންސީ ގުޅުން ހިންގާ ފިރިހެން ދޫނިތައް ބައިވެރިޔާގެ ފަރާތުން "ވަރި" ވުމުގެ ފުރުސަތު ބޮޑެވެ. އެއީ އަންހެން ދޫނިތަކުން އެހެން އަންހެން ދޫނިތަކާ އެކު އުޅުނު ފިރިހެނަކަށް އިތުބާރު ކުޑަވާތީއެވެ.
ދުރު ރާސްތާއަށް ހިޖުރަކުރުން: ދުރު ރާސްތާއަށް ހިޖުރަކުރާ ދޫނިތަކަށް ވެސް "ވަރި" ކުރުމުގެ ފުރުސަތު ބޮޑުވެއެވެ.
ޚިޔާނާތްތެރިވުން: ހަމަ އިންސާނުން ފަދައިން ދޫނިތައް ވެސް ބައިވެރިޔާއަށް ބޭވަފާތެރިވެދާނެއެވެ. ދޫންޏެއް އޮޅުވާލައިގެން އުޅެފިނަމަ، އެ ދޫންޏެއްގެ ބައިވެރިޔާ އެ ދޫނި "ވަރި" ކުރުމުގެ ފުރުސަތު ބޮޑުވެއެވެ.
މަރުވުން: ބައިވެރިންގެ ތެރެއިން އެކަކު މަރުވެއްޖެނަމަ އަނެއް ބައިވެރިޔާ "ވަރިވެ" އާ ޖޯޑެއް ހޯދުމުގެ ފުރުސަތު ބޮޑުވެއެވެ.
ދޫނި ވަރިވާން ޖެހޭ ސަބަބުތަކާއި އިންސާނުން ވަރިވާ ސަބަބުތަކާ އެއްގޮތް ކަމަށް ވެސް ސައިންސުވެރިން ފާހަގަކުރެއެވެ. .
