އެކަމަކު ސްޓްރެސް ބޮޑު ދުވަހަކަށް ފަހު ހަގީގަތުގައި ރިލެކްސްކޮށް އަރާމުކޮށްލުމަށް އެހީތެރިވިދާނެ ކަންތައްތަކެއް އެބަހުއްޓެވެ.

ހިތްހަމަ ޖެހޭ މާހައުލެއް އުފެއްދުން:

ތިމާގެ މާހައުލުން ތިމާގެ މޫޑާއި ސްޓްރެސް ލެވެލްއަށް ވަރަށް ބޮޑު އަސަރެއް ކޮށްފާނެ އެވެ. ވަގުތުކޮޅެއް ނަގައިގެން ހަމަޖެހުމާއި އަމާންކަން އިހުސާސް ކުރެވޭ ޖާގައެއް އުފައްދާށެވެ. މިގޮތުން މީރުވަސް ދުވާ އުއްބައްތި ރޯކޮށް، ބައެއް މީރުވަސް ދުވާ ތެޔޮތައް ޑިފިއުސްކޮށް، ރިލެކްސް މިއުޒިކެއް ޖަހާލެވިދާނެއެވެ.

ކަސްރަތުކުރުން: 

ކަސްރަތަކީ ދިގު ދުވަހަކަށް ފަހު ވަގުތު ހޭދަކުރުމަށް ފަހު ހަމަޖެހިލުމަށް ކުރެވިދާނެ މޮޅު ކަމެކެވެ. ހިނގާލަން ނުވަތަ ޔޯގާ ޕްރެކްޓިސް ކުރުމަކީ ހަށިގަނޑުގައި ހުންނަ ޓެންޝަން ދޫކޮށްލައި ސިކުނޑި ސާފުކޮށްދިނުމަށް އެހީތެރިވެދޭނެ ކަމެކެވެ.

ޓެކްނޮލޮޖީއާ ގުޅުން ކަނޑާލުން:

މިއަދުގެ ދުނިޔޭގައި ޓެކްނޮލޮޖީއާ މެދުނުކެނޑި ގުޅިފައި ހުރުމަކީ ފަސޭހަ ކަމެކެވެ. އެކަމަކު ސްކްރީންތަކުން ބްރޭކެއް ނެގުމަކީ ނަފްސާނީ ސިއްހަތަށް ވެސް ދުޅަހެޔޮކަން ގެނެސްދޭނެކަމެކެވެ.  ނިދުމުގެ ކުރިން މަދުވެގެން ގަޑިއެއްހާއިރު ވަންދެން ސްކްރީންތަކަށް ބެލުން ހުއްޓާލާށެވެ. 

ހަމަޖެހިލުމަށް ވަގުތުކޮޅެއް ހޭދަކުރުން: 

ފުން ނޭވާ ލުން ފަދަ ސާދާ މެޑިޓޭޝަން އަކަށް ވަގުތުކޮޅޭއް ހޭދަކުރާށެވެ. މިއީ ތިމާއަށް އިތުރަށް ރިލެކްސްވެ، ކަންކަމަށް ސަމާލުކަން އިތުރުވާކަމުގެ ކަމުގެ އިހުސާސް ކުރެވޭނެ ކަމެކެވެ.

އަމިއްލަ ހަށިގަނޑަށް އޯގާތެރިވުން: 

އަމިއްލަ ނަފްސަށް ފަރުވާތެރިވުމަކީ ނަފްސާނީ އަދި ޖިސްމާނީ ސިއްހަތަށް ކޮންމެހެން ބޭނުންތެރި ކަމެކެވެ. ރަނގަޅު އިހުސާސެއް ކުރެވޭ ކަމެއް ކުރުމަށް ވަގުތުކޮޅެއް ހޭދަކޮށްލާށެވެ، އެއީ ބަބުލް ބާތު ހެދުމާއި، ފޮތެއް ކިޔުމާއި، ނުވަތަ ކަމުދާ ހޮބީއެއްގައި ވަގުތު ހޭދަކުރުމެވެ. 

ދިގު ދުވަހަކަށް ފަހު އަރާމުކުރުމަކީ ޖުމްލަ ސިއްހަތާއި ދުޅަހެޔޮކަމަށް ކޮންމެހެން ބޭނުންތެރި ކަމެކެވެ. ހިތްހަމަޖެހޭ މާހައުލެއް އުފެއްދުމާއި، ހަރަކާތްތެރިވުމާއި، ޓެކްނޮލޮޖީއާ ގުޅުން ކަނޑާލުމާއި، މާއިންޑްފުލްނެސް ޕްރެކްޓިސް ކުރުމާއި، އަމިއްލަ ނަފްސު ބެލެހެއްޓުމުގައި އުޅެން ޖެހުމުން، ރިލެކްސްވެ، ރިޗާޖް ކުރުމަށް އެހީތެރިވެދޭ ރޫޓިންއެއް އުފެއްދިދާނެ އެވެ. ހަނދާން ކުރަންވީ، އަމިއްލަ ނަފްސަށް ފަރުވާތެރިވުމަކީ މުހިންމު ކަމެއް ކަމެވެ.