މި ހާދިސާއާ ގުޅިގެން އިމާރާތް ވެއްޓުނު ސަރަހައްދަށް ސަލާމަތްކުރާ ޓީމުތައް ވަގުތުން ގޮސް، ގާކުނޑިތަކުގެ ދަށުގައި ތާށިވެފައިވާ މީހުން ހޯދުމުގެ ބޮޑު އޮޕަރޭޝަނެއް ވަނީ ފަށާފައެވެ. ސަލާމަތްކުރާ ފަރާތްތަކުން ގިނަ ގަޑިއިރުތަކެއް ވަންދެން ކޮނެގެން ކުރި ބުރަ މަސައްކަތުން، ވެއްޓިފައިވާ އިމާރާތުގެ ގާކުނޑިތަކުގެ ދަށުން ތިން އަހަރުގެ އަންހެން ކުއްޖަކު ވަނީ ދިރިހުއްޓާ ސަލާމަތްކޮށްފައެވެ.
ތަބިލީސީގައި ހިނގި މި ހާދިސާގައި ވެއްޓުނު ފަސް ބުރީގެ އެޕާޓްމަންޓް އިމާރާތަށް ވަނީ ބޮޑެތި ގެއްލުންތަކެއް ލިބިފައެވެ. ކައްކާ ގޭސް ލީކުވެގެން ހިނގި ކަމަށް ބެލެވޭ މި ގޮވުމުގައި މަރުވި ހަ މީހުންގެ ހަށިގަނޑު ސަލާމަތްކުރާ ޓީމުތަކުން ވަނީ ގާކުނޑިތަކުގެ ދަށުން ނެރެފައެވެ.
މި ހާދިސާއާ ގުޅިގެން ސަލާމަތްކުރާ ފަރާތްތަކުން ދަނީ އެ ސަރަހައްދުގައި އިތުރު މީހަކު ތާށިވެފައިވޭތޯ ބެލުމުގެ މަސައްކަތް އަދިވެސް ކުރިއަށް ގެންދަމުންނެވެ.