މި ބޭފުޅުންނަށް ޝަރަފުގެ ބެޖާއި އައްޑަނަ އަދި މެޑައްޔާއި ހަނދާނީ ލިޔުން ހަވާލުކޮށްދެއްވީ މިއަހަރުގެ ޖުމްހޫރީ ދުވަހުގެ މުނާސަބަތުގައި ރޭ ސޯޝަލް ސެންޓަރުގައި ބޭއްވި ރަސްމީ ޖަލްސާގައި ރައީސް މުހައްމަދު މުއިއްޒެވެ.
ރައީސް އޮފީހުން ބުނީ ދައުލަތަށް ހިދުމަތްކުރުމުގެ އިނާމު ލިބޭ ބޭފުޅުން ހޮވީ ގައުމީ އިނާމާ ބެހޭ ކޮމެޓީން ކަމަށާއި މަތީ ދަރަޖަ ހޯދާ ފަރާތްތަކަށް ދޭ އިނާމަށް ބޭފުޅުން ހޮވީ ހާއްސަ އިނާމާ ބެހޭ ކޮމިޓީން ކަމަށެވެ.
ދައުލަތަށް 35 އަހަރަށް ވުރެ ދިގު މުއްދަތަކަށް ހިދުމަތް ކުރެއްވި 66 ބޭފުޅަކަށް މި އަހަރުގެ މިނިވަން ދުވަހުގެ ރަސްމީ ޖަލްސާގައި ވެސް ވަނީ އިނާމު ދެއްވައިފަ އެވެ.
ހާއްސަ އިނާމުގެ ގޮތުގައި އަރުވާފައިވަނީ މެޑެއްޔަކާއި ހަނދާނީ ލިޔުމެކެވެ.