ads
ސުނާމީއެއް އަރާނެ ކަމަށް ބުނެ ދައުރުވަމުންދާ ފޭކް ލިޔުން -- ފޮޓޯ: އެންޑީއެމްއޭ
ސުނާމީގެ އިންޒާރެއް ނެތް، ފަތުރަނީ ފޭކު މެސެޖެއް
ރާއްޖެއަށް ސުނާމީގެ އިންޒާރެއް ނެރެފައިވާ ކަަމަށް ބުނެ ނެޝަނަލް ޑިޒާސްޓާ މެނޭޖްމަންޓް އޮތޯރިޓީ (އެންޑީއެމްއޭ) ގެ ނަމުގައި ފަތުރަމުންދަނީ ޙަޤީޤަތެއް ނެތް ބަޔާނެއް ކަަމަށް އެ އޮތޯރިޓީން ބުނެފި އެވެ.
Advertisement

އެންޑީއެމްއޭ އިން ބުނީ، އެ އޮތޯރިޓީގެ ނަމުގައި މިހާރު ދައުރުވަމުން އަންނަ މެސެޖަކީ ސައްހަ މެސެޖެއް ނޫން ކަމަށެވެ. އަދި އޮތޯރިޓީގެ ފަރާތުން އާންމުންނަށް މައުލޫމާތާއި އިރުޝާދު ދެމުންގެންދާނީ އަބަދުވެސް ރަސްމީ މަންސަތަކުން ކަމަށް ވާތީ، މައުލޫމާތުގެ ސައްހަކަން ހުރިހާ ފަރާތްތަކުން ވެސް ކަށަވަރުކުރުމަށް އެންޑީއެމްއޭ އިން ވަނީ އެދިފަ އެވެ.

"މި އޮތޯރިޓީގެ ނަމުގައި ދައުރުވަމުން އަންނަ މި މެސެޖަކީ ހަޤީގީ މެސެޖެއް ނޫންކަމުގައި ދަންނަވަމެވެ. މި އޮތޯރިޓީއިން ޢާއްމުންނާ ޙިއްސާކުރާ މަޢުލޫމާތާއި އިރުޝާދު ދެމުންގެންދާނީ މި އޮތޯރިޓީގެ ރަސްމީ މަންސަތަކުންނެވެ. މިކަން ހުރިހާ ފަރާތްތަކުންވެސް ކަށަވަރުކުރުމަށް އެދެމެވެ،" އެންޑީއެމްއޭގެ ބަޔާނުގައި ވެއެވެ.

އެ އޮތޯރިޓީން ބުނީ ގުދުރަތީ ކާރިސާތައް ފަދަ އާންމު ސަލާމަތާއި ރައްކާތެރިކަމާ ގުޅުންހުރި ހައްސާސް މައުލޫއުތަކުގައި، ހަގީގަތެއް ނެތް ވާހަކަތައް ނުފެތުރުމަށާއި، ކަންކަމުގެ މައުލޫމާތު ފެތުރުމުގައި ހުރިހާ ފަރާތްތަކުންވެސް ޒިންމާދާރުކަމާއެކު އަމަލުކުރުމަށް ވެސް ވަނީ އިލްތިމާސްކޮށްފަ އެވެ.

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް