ads
ގައިދީންތަކާއިއެކު ކަރެކްޝަންސްގެ އޮފިސަރުންތަކެއް
ގައިދީންނަށް ހާއްސަ ކަރެކްޝަންސްގެ ހޮސްޕިޓަލެއް އަޅަނީ، އަންނަ ޖޫންމަހު ހުޅުވޭނެ
ގައިދީންނަށް ހާއްސަކޮށް، މޯލްޑިވްސް ކަރެކްޝަނަލް ސާވިސްގެ ހޮސްޕިޓަލެއް އެޅުމަށް ނިންމައި އެ މަސައްކަތްތައް ކުރަމުން އަންނަ ކަމަށް ކޮމިޝަނަރު އޮފް ޕްރިޒަންސް ހަސަން ޒަރީރު ވިދާޅުވެއްޖެ އެވެ.
Advertisement

އޭނާ މިހެން ވިދާޅުވީ ކަރެކްޝަންގެ ވަޒީފާއާ ބެހޭ އޮނިގަނޑުގެ މައުލޫމާތު ހޯދުމަށް މަޖިލީހުގެ ސަލާމަތީ ހިދުމަތްތަކާ ބެހޭ ކޮމިޓީން އެ އިދާރާގެ އިސްވެރިންނާ އެކު މިއަދު ބޭއްވި ބައްދަލުވުމުގައި ވާހަކަ ދައްކަވަމުންނެވެ. 

ހަސަން ޒަރީރު ވިދާޅުވީ ގައިދީންގެ އަދަދު އިތުރުވެފައިވާއިރު، އެންމެ ބޮޑު ދަތިކަމަކީ ގައިދީންގެ ބޭސްފަރުވާގެ ކަންކަމަށް މާލެ ގެންނަން ޖެހުން ކަމަށެވެ. އެގޮތުން ދުވާލެއްގެ މައްޗަށް 16 ވަރަކަށް މީހުން ކޯޓުތަކަށާއި ޑޮކްޓަރީ ފަރުވާއަށް މާލެ ގެންނަންޖެހޭކަން ޒަރީރު ފާހަގަކުރެއްވި އެވެ.  ގައިދީންގެ ތެރޭގައި އެންމެ ގިނައީ ދަތާއި ލޮލަށް ފަރުވާކުރާ މީހުންކަމަށާއި އެހެންނަމަވެސް މާފުށީގައި އެކަމަށް ހާއްސަ ޑޮކްޓަރެއް ނުހުންނާތީ ހުރިހާ ގައިދީން ގެންނަން ޖެހެނީ މާލެއަށްކަންވެސް ޒަރީރު ފާހަގަކުރެއްވި އެވެ. 

އެެހެންކަމުން އެކަމަށް ހައްލެއް ގެނައުމަށް ކަރެކްޝަންސްގެ ހޮސްޕިޓަލެއް ގާއިމުކުރުމުގެ މަސައްކަތްތައް މިހާރު ކުރަމުން އަންނަ ކަމަށާއި އެކަމާއި ގުޅޭ ކަރުދާސްތައް އެކުލަވާލުމުގެ މަސައްކަތް ކުރަމުން އަންނަކަމަށް ޒަރީރު ވިދާޅުވި އެވެ. އަދި އެތަން އަންނަ ޖޫން މަހު އޮޕަރޭޝަނަސް ގެނައުމަށް މަސައްކަތް ކުރަމުން އަންނަކަންވެސް ޒަރީރު ފާހަގަކުރެއްވި އެވެ. 

" އަޅުގަނޑުމެންގެ ފިއުޗާ ޕްލޭނެއް އެބައޮތް ކަރެކްޝަންސްގެ ހޮސްޕިޓަލެއް ގާއިމުކުރުމުގެ. އަޅުގަނޑުމެން އެ މަސައްކަތް ކަރުދާހަށް ގެނެސްގެން އެ މަސައްކަތް ހިނގަމުން އެބަދޭ. އިރާދަކުރެއްވިއްޔާ މި އަންނަ އަހަރުގެ ޖޫން މަހު ހިސާބުގައި އޭތި އެސްޓަބްލިޝްކުރެވި އޮޕަރޭޝަނަށް ގެނެވޭވަރުވާނެ،" ހަސަން ޒަރީރު ވިދާޅުވި އެވެ.

ގައިދީން ތަންތަނަށް ގެންދިޔުމަށް ކޮންމެ ގައިދީއަކަށް ކަރެކްޝަން އޮފިސަރަކު ބޭނުންވާއިރު، އެކަށީގެންވާ މިންވަރަށް އޮފިސަރުން ނެތްކަމަށްވެސް ޒަރީރު ވަނީ ވިދާޅުވެފަ އެވެ. 

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް