ads
މަރްޔަމް ޝިއުނާ
ޕެންޝަން އޮފީހުގެ ސީއޯއޯގެ މަގާމުން ޝިއުނާ ވަކިކޮށްފި
ޕެންޝަން އޮފީހުގެ ޗީފް އޮޕަރޭޓިން އޮފިސަރު (ސީއޯއޯ) ގެ މަގާމުން މަރިޔަމް ޝިއުނާ ވަކިކޮށްފި އެވެ.
Advertisement

 ޕެންޝަން ބޯޑުގެ ބައެއް މެންބަރުންގެ ހިތްހަމަނުޖެހުންތަކެއް ހުރުމުން މިދިޔަ 23 ސެޕްޓެމްބަރު އިން ފެށިގެން އޭނާ ހުރީ ސަސްޕެންޑުކޮށްފަ އެވެ. 

"ވަޒީފާއިން ވަކިކޮށްފައިވަނީ، މުވައްޒަފުން އަމަލުކުރަންޖެހޭ ކޯޑް އޮފް ކޮންޑަކްޓާއި ހިލާފުވެގެން. އަދި އެކަމުގެ ފުރިހަމަ ތަހުގީގުކުރުމަށްފަހު، މަރިޔަމް ޝިއުނާއަށް ޖަވާބުދާރީވުމަށް ފުރުސަތުވެސް ދިނުމަށް ފަހުގައި." ޕެޝަން އޮފީހުން ބުންޏެވެ.

މައުލޫމާތު ލިބިފައިވާ ގޮތުގައި އޭނާ ވަކިކުރީ ޕެންޝަން އޮފީހުގެ ޗެއާޕާސަން އަބްދުލްމަޖީދު އަލީއާ ގުޅުންހުރި މައްސަލައެއްގައި ހުރި ކަންބޮޑުވުންތައް، އެކަމަށް ކަނޑައެޅިފައިވާ އުސޫލުތަކުގެ ތެރެއިން ކަމާބެހޭ ރެގިއުލޭޓަރީ އިދާރާގެ ސަމާލުކަމަށް ގެނައުމުންނެވެ. 

އޭގެ އިތުރުން އޭނާ ވަކިކުރި ސަބަބުތަކުގެ ތެރޭގައި ޕެންޝަން އޮފީސް މެދުވެރިކޮށް ސަރުކާރުން ފައިސާ ޗާޕުކުރި މުއާމަލާތާ ދެކޮޅު ހެދުން ހިމެނެ އެވެ.

ޝިއުނާ ވަނީ ޔުނިވަސިޓީ އޮފް ލަންޑަންގެ ސްކޫލް އޮފް އޮރިއެންޓަލް އެންޑް އެފްރިކަން ސްޓަޑީޒް (ސޯއަސް) އިން އިންޓަނޭޝަނަލް ޑިވެލޮޕްމަންޓް ދާއިރާއިން މާސްޓާސް ޑިގްރީ އަދި ލަންޑަން މެޓްރޮޕޮލިޓަން ޔުނިވަސިޓީން ހިސްޓްރީގެ ދާއިރާއިން ބެޗްލާ އޮފް އާޓްސް ހާސިލުކުރައްވާފަ އެވެ.

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް