މޫސުމާ ބެހޭ ރިޕޯޓްތައް ބުނާގޮތުގައި، އެޓްލާންޓިކް ތޫފާން ޗާލްސް ޕޯޗުގަލްގެ މައި ބިމަށް އެރުމާއެކު ގަޑިއަކު 120 ކިލޯމީޓަރަށްވުރެ ބާރަށް ވައިރޯޅިތައް ވަނީ ޖެހިފައެވެ. މީގެ އިތުރުން، ބާރުގަދަ ވައިގެ އަސަރާއެކު ކުރި ވިއްސާރައިގައި އެ ގައުމުގެ ގިނަ މަގުތަކެއްގައި ވަނީ ބޮޑެތި ފެންބޮޑުވުންތައް އުފެދި، އާންމު ދަތުރުފަތުރަށް ބޮޑެތި ހުރަސްތަކެއް ކުރިމަތިވެފައެވެ.
މި ތޫފާނުގެ ސަބަބުން ލިބެމުންދާ ގެއްލުންތަކާއި ނުރައްކާތެރި މޫސުމުގެ ސަބަބުން، ޕޯޗުގަލްގައި ބޭއްވުމަށް ހަމަޖެހިފައިވި ބައިނަލްއަގުވާމީ ބޮޑެތި ހަރަކާތްތަކެއްވެސް ވަނީ ކެންސަލްކޮށްފައެވެ. ސަރުކާރުން ވަނީ ރައްޔިތުންގެ ރައްކާތެރިކަން ކަށަވަރުކުރުމުގެ ގޮތުން އެ ގައުމުގެ 8،000 ސްކޫލް ބަންދުކުރުމަށް އަންގައި، ބައިނަލްއަގުވާމީ ދަތުރުފަތުރުތައް ހުއްޓުވުމަށް ފިޔަވަޅުތައް އަޅާފައެވެ.
