މި ހާދިސާގެ ސަބަބުން އަސަރުކޮށްފައިވާ މީހުންގެ އަދަދަކީ ޕެރަގުއޭގެ ބޮޑެތި މީހުންގެ އާބާދީގެ 60 އިންސައްތައަށްވުރެ ގިނަ މީހުންނެވެ. ބޭންކުގެ ހިދުމަތްތައް ހުއްޓި، އާންމުންގެ ފައިސާ ހިފެހެއްޓުމާ ގުޅިގެން އުފެދުނު ބޭންކިންގް ސްކޭންޑަލްއާ ހުރެ އެ ގައުމުގައި ދަނީ ފުޅާދާއިރާއެއްގައި ވަރުގަދަ އިހުތިޖާޖުތަކެއް ކުރަމުންނެވެ.
މި މައްސަލައިގެ ތަހުގީގަށް ފުލުހުން ވަނީ ބޭންކުގެ ކުރީގެ އިސް ވެރިންގެ ގޭގޭ ވަދެ ހާއްސަ ރޭޑްތަކެއް ހިންގާފައެވެ. މި އޮޕަރޭޝަންތަކުގެ ތެރޭގައި ފުލުހުންނަށް ވަނީ ކުރީގެ ވެރިންގެ ގޭގޭގައި ވަންހަނާކޮށްފައިވާ، ވަރުގަދައަށް ރައްކާތެރިކުރެވިފައިވާ ބޮޑެތި ތިޖޫރީތަކެއް ފެނިފައެވެ.
މި ހާދިސާއާއެކު ޕެރަގުއޭގެ މާލީ ނިޒާމަށް ބޮޑު ނުވަތަނަވަސްކަމެއް އައިސްފައިވާއިރު، އާންމު ރައްޔިތުން ދަނީ އެމީހުންގެ ފައިސާ އަނބުރާ ހޯދައިދިނުމަށާއި، މި ކަމުގައި ހިމެނޭ ކުރީގެ ވެރިންނަށް ގާނޫނީ ފިޔަވަޅު އަޅައި އަދަބު ދިނުމަށް ގޮވާލައި އަޑުއުފުލަމުންނެވެ.
