މި ހަމަލާތަކަކީ ވަރަށް ފުރިހަމައަށް ރާވައިގެން، އާންމުންގެ ފޯނުތަކަށް އަތްގަދަކޮށް ބޭންކު އެކައުންޓްތަކުގައިވާ ފައިސާ ދަމައިގަތުމަށް ހިންގާ ސައިބަރ އޮޕަރޭޝަންތަކެކެވެ.
ކަމާބެހޭ މާހިރުން ފާހަގަކުރައްވާ ގޮތުގައި، މި އޮޅުވާލުންތަކުގައި އެކި ފަރާތްތަކުގެ ނަމުގައި ފޮނުވާ ސަޕޯޓް މެސެޖުތަކާއި، ވަޓްސްއެޕް އެކައުންޓްތައް އަތުލައިގަތުން ހިމެނެ އެވެ. މީގެ އިތުރުން، އެންޑްރޮއިޑް ފޯނުތަކަށް އަމާޒުކޮށްގެން އުފައްދާފައިވާ "ގޯޑް މޯޑް" މެލްވެއާ ބޭނުންކޮށްގެން ފޯނުގެ ފުރިހަމަ ކޮންޓްރޯލް ހެކަރުން ހޯދަ އެވެ.
މި ނުރައްކާތެރި މެލްވެއާގެ މައިގަނޑު ބޭނުމަކީ ފޯނުގައި ބޭނުންކުރާ މޯބައިލް ބޭންކިންގ އެޕްލިކޭޝަންތަކުގެ މަޢުލޫމާތު ވަގަށް ނަގައި، އެކައުންޓްތަކުގައި ހުރި ފައިސާ އެކީގައި ހުސްކޮށްލުމެވެ. މިފަދަ ހަމަލާތަކުން ރައްކާތެރިވުމަށްޓަކައި، ނުދަންނަ ފަރާތްތަކުން ފޮނުވާ މެސެޖުތަކާއި ލިންކުތަކަށް ސަމާލުވުމަށާއި، ސެކިއުރިޓީ ކޯޑުތައް އެހެން މީހުންނާ ހިއްސާނުކުރުމަށް އިދާރާތަކުން އިލްތިމާސްކުރެ އެވެ.
ސައިބަރ ސެކިއުރިޓީ އިދާރާތަކުން ބުނާ ގޮތުގައި މިފަދަ އާ ނުރައްކާތަކުގެ ސަބަބުން ބޮޑެތި މާލީ ގެއްލުންތަކެއް ލިބުމުގެ ފުރުޞަތު އެބިއޮތެވެ. އެހެންކަމުން، ކޮންމެ ފަރާތަކުންވެސް އަމިއްލަ ފޯނާއި ބޭންކިންގ މަޢުލޫމާތުގެ ރައްކާތެރިކަމަށް ޚާއްޞަ ސަމާލުކަމެއް ދިނުމަކީ ކޮންމެހެން ބޭނުންތެރި ކަމެކެވެ.
