އިކޮނޮމިކް އަދި ޓްރާންސްޕޯޓު މިނިސްޓަރު މުހައްމަދު ސައީދުގެ އިތުބާރު ނެތް ކަމުގެ މައްސަލަ މަޖިލީހަށް ހުށަހަޅާފައިވަނީ އިދިކޮޅު އެމްޑީޕީގެ ފަރާތުންނެވެ.
މި މައްސަލާގައި ނެގި ވޯޓުގައި މިއަދުގެ މަޖިލީހުގެ ޖަލްސާގައި ބައިވެރިވި ޕީއެންސީގެ 54 މެމްބަރުން ވޯޓު ދެއްވީ މިނިސްޓަރު މުހައްމަދު ސައީދަށް ފުރިހަމަ އިތުބާރު އެބަ އޮތްކަމަށެވެ. އިތުބާރު ނެތްކަމަށް ވޯޓް ދެއްވީ އެމްޑީޕީގެ 10 މެމްބަރުން އެކަނި އެވެ.
އިތުބާރު ނެތްކަމަށް ހުށައެޅި މައްސަލާގައި ޖަވާބުދާރީވަމުން މިނިސްޓަރު ސައީދު ވަނީ އިދިކޮޅު އެމްޑީޕީން ކުރި ހުރިހާ ތުމަތުތަކެއް ދޮގުުރައްވާފަ އެވެ. އެގޮތުން ޑޮލަރު ދަތިވެ ތަކެތީގެ އަގު ބޮޑުވެފައިވާކަމަށް ކުރި ތުހުމަތުތަކަށް ޖަވާބު ދެއްވަމުން މިނިސްޓަރު ސައީދު ވިދާޅުވީ މިދިޔަ ދަރުކާރުގެ ފަސް އަގަރު ދުވަހު ދޫކުރި ޑޮލަރަށްވުރެ 100 އިންސައްތަ އިތުރަށް މި ސަރުކާރުގެ މިދިޔަ ދެ އަހަރު ދުވަހުގެ ތެރޭގައި ރަސްމީ ރޭޓްގައި ޑޮލަރު ދޫކޮށްފައިވާކަމަށެވެ.
މީގެއިތުރުން ކާބޯތަކެތީގެ އަސާސީ ލިސެޓެއް ސަރުކާރުން އެކުލަވާލާ އެތަކެތި ދަތިކަމެއް ނެތި ރައްޔިތުންނަށް ލިބެމުން އަންނަކަމަށްވެސް މިނިސްޓަރު ސައީދު ވިދާޅުވިއެވެ. އަދި ބަންކަރިން ހިދުމަތުން މިހާތަނަށް 1.39 ބިލިއަން ރުފިޔާ ހޯދާފައިވާކަމަށްވެސް މިނިސްޓަރު ސައީދު ވިދާޅުވި އެވެ.
އަދި ރާއްޖެއަށް ފޮރިން އިންވެސްޓްމަންޓްތައް ގެނައުމުގައިވެސް މި ސަރުކާރުން ރިކޯޑް ހަދާފައިވާކަން ފާހަގަކުރައްވަމުން މިނިސްޓަރު ސައީދު ވިދާޅުވީ އަދި ތިން އަހަރު ނުވާ މި ސަރުކާރުން މިހާތަނަށް 313 ފޮރިން އިންވެސްޓްމަންޓް ރާއްޖެ ގެނެސްފައިވާކަމަށެވެ.
