މާލިއްޔަތު ކޮމެޓީން މިގޮތަށް ނިންމީ ވަޒީރުންނަށް ލިބޭ މުސާރަ މިނިވަން މުވައްސަސާތަކާއި ކޮމިޝަންތަކާއި ފަނޑިޔާރުންނާއި ގަޒީނަށް ލިބޭ މުސާރަ ކުޑަކަމަށް ބުނެ ހުށައަޅާފައިވާތީ އެވެ.
އެކި ދާއިރާތަކުގެ މިހާރުގެ މުސާރަތައް
އެހެންކަމުން މަޖިލީހުގެ މާލިއްޔަތު ކޮމެޓީން ނިންމީ ވަޒީރުންނަށް ލިބޭ މުސާރައަށް ބަދަލުތަކެއް ނުގެންނެސް ކާރު އެލަވަންސްގެ ގޮތުގައި ދެމުން އަންނަ އެލަވަންސް ބޮޑުކުރަން ށެވެ. ކާރު އެލަވަންސްގެ ގޮތުގައި މީހާރު ވަޒީރުންނަށް ދެމުން އަންނަނީ 7500 ރުފިޔާއެވެ. އެއީ ޕެޓްރޯލަށް ދޭ 1000 ރުފިޔާއާއި ޑްރައިވަރު އެލަވަންސްގެ ގޮތުގައި ދޭ 6500 ރުފިޔާ އެވެ.
މާލިއްޔަތު ކޮމެޓީން ނިންމީ ވަޒީރުންގެ މަޖިލީހުގެ މެމްބަރުންގެ ކާރުގެ އެލަވަންސްގެ ގޮތުގައި މިހާރު ދެމުން އަންނަ 7500 ރުފިޔާ 17،000 ރުފިޔާއަށް ބޮޑުކުރުމަށެވެ.
ވަޒީރުންގެ ކާރު އެލަވަންސަށް ގެނައި ބަދަލު
މި ހުށައެޅުން ކޮމެޓީން ފާސްކުރީ ކޮމެޓީގައި ތިއްބެވި ޕީއެންސީގެ ހުރިހާ މެމްބަރުންގެ ވޯޓައި އެކު އެވެ. ދެކޮަޅަށް ވޯޓް ދެއްވީ ކޮމެޓީގައި ހިމެނިވަޑާއިގަންނަވާ އިދިކޮޅު އެމްޑީޕީގެ ދެ މެމްބަރުންކަމަށްވާ ހުޅުމާލެ ދެކުނު ދާއިރާގެ މެމްބަރު ޑރ. އަހްމަދު ޝަމްހީދާއި ހަނިމާދޫ ދާއިރާގެ މެމްބަރު އްބްދުލްގަފޫރު މޫސާ އެވެ.
