ސީއީއޯ މިގޮތަށް ވިދާޅުވީ ޕެންޝަން އޮފީހުން އިންތިޒާމުކޮށްގެން ހދ. ހަނިމާދޫގައި ބޭއްވި "ތްރީ ޖެނެރޭޝަން ވޯކް" (3ޖެން ވޯކް) ހަރަކާތް ފެށުމުގެ ރަސްމިއްޔާތުގައި ވާހަކަފުޅު ދައްކަވަމުންނެވެ.
ޔަޒްމީދު ވިދާޅުވި ގޮތުގައި އޭނާގެ އެންމެ ބޮޑު އެއް އަމާޒަކީ ކުރިއަށް އޮތް ފަސް އަހަރުގެ ތެރޭގައި އެ އަދަދު ދެ ގުނަ ކުރެއްވުމެވެ.
މީގެއިތުރުން، ރިޓަޔަރމަންޓް ޕެންޝަން ސްކީމުގައި ކޮންމެހެން ބައިވެރިވާންޖެހޭ ބައެއް ފަރާތްތަކުން ބައިވެރިނުވެ ތިބިކަން ފާހަގަކުރައްވައި، އެފަރާތްތައް ސިސްޓަމްގެ ތެރެއަށް ވެއްދުމުގެ މަސައްކަތް ކުރައްވަމުންދާ ކަމަށް ސީއީއޯ ވިދާޅުވިއެވެ.
ޕެންޝަން ފައިސާ ދައްކަންޖެހޭ ފަރާތްތަކުން ނުދައްކާ ހުރި ގާތްގަނޑަކަށް 100 މިލިއަން ރުފިޔާ، ކުރިއަށް އޮތް 1 އަހަރު ދުވަހުގެ ތެރޭގައި ހޯދައި ރިކަވަރ ކުރުމުގެ މަސައްކަތް ކުރައްވަމުންދާނެ ކަމަށްވެސް ޔަޒްމީދު ވިދާޅުވިއެވެ.
ހަނިމާދޫ ކައުންސިލާ ގުޅިގެން ކުރިއަށް ގެންދިޔަ "3ޖެން ވޯކް" އަކީ މާލީ ހޭލުންތެރިކަން އިތުރުކުރުމަށާއި ދުޅަހެޔޮ ދިރިއުޅުމަކަށް ބާރުއެޅުމުގެ ގޮތުން ބޭއްވި ހަރަކާތެކެވެ. ފައިސާ ރައްކާކުރުމާއި އިންވެސްޓްކުރުމުގެ އިތުރުން ރިޓަޔާމަންޓަށް ތައްޔާރުވުމާ ގުޅޭ ގޮތުން އާއިލާތަކުގެ މެދުގައި ހޭލުންތެރިކަން އިތުރުކޮށް، އެކުވެރި މާހައުލެއްގައި އުފާވެރި ވަގުތުތަކެއް ހޭދަކޮށްލުމުގެ ފުރުސަތު މި ހަރަކާތުގެ ތެރެއިން ފަހިކޮށްދީފައިވެ އެވެ. މި ހަރަކާތް ކާމިޔާބުކަމާއެކު ބޭއްވުމަށް ހަނިމާދޫ ކައުންސިލާއި އެ ރަށުގެ މުއައްސަސާތަކުންނާއި ރައްޔިތުން ދިން އެއްބާރުލުމަށް ޔަޒްމީދު ވަނީ ޝުކުރު އަދާކުރައްވައިފަ އެވެ.
