އުމުރުން 73 އަހަރުގެ ޝިރަންތީ ހައްޔަރުކުރީ ކޮލަމްބޯގެ ކިރުލަޕޯނޭގައި ހުންނަ ރާޖަޕަކްސަ އާއިލާގެ ގެއިން، ސްރީލަންކާގެ ކޮމިޝަން ޓު އިންވެސްޓިގޭޓް އެލިގޭޝަންސް އޮފް ބްރައިބަރީ އޯ ކޮރަޕްޝަން (ސިއަބޮކް) އިންނެވެ. ސިއަބޮކްއިން ބުނި ގޮތުގައި، އޭނާ ހައްޔަރުކުރީ ދައުލަތުގެ ބޭންކަކުން އެއް ކްރޯޑު ސްރީލަންކާ ރުޕީސް (30,289.81 ޑޮލަރު) ނަގައި، އެ ފައިސާއަށް ހިޔާނާތްތެރިވި ކަމުގެ ތުހުމަތުގައި ޕަބްލިކް ޕްރޮޕަޓީ އެކްޓާއި ކޮރަޕްޝަނާ ދެކޮޅު ގާނޫނުތަކުގެ ދަށުންނެވެ.
ކުރީގެ ފަސްޓް ލޭޑީގެ ދޮށީ ދަރިކަލުން އަދި އިދިކޮޅު މަޖިލިސް މެންބަރު ނާމަލް ރާޖަޕަކްސަ މިހާރު ހުންނެވީ ބަންދުގަ އެވެ. އޭނާ ހައްޔަރުކޮށްފައިވަނީ ބައްޕާފުޅުގެ ރިޔާސަތުގައި 2013 ވަނަ އަހަރު އެއާބަސް މަތިންދާބޯޓު ގަތުމަށް ވެވުނު އެއްބަސްވުމަކާ ގުޅޭ ކޮރަޕްޝަނުގެ ތުހުމަތުގަ އެވެ.
ކުރީގެ ރައީސްގެ ދެމަފިރިންގެ ދޮށީ ދަރިކަލުން ނާމަލް ރާޖަޕަކްސަ ވެސް މަތިންދާބޯޓު ގަތުމުގެ މުއާމަލާތަކާ ގުޅިގެން ވަނީ ހައްޔަރުކޮށްފަ އެވެ. އޭނާ އަދިވެސް ހުންނެވީ ބަންދުގަ އެވެ. މީގެ އިތުރުން، އަނެއް ދަރިކަލުން ޔޯޝީތާ ރާޖަޕަކްސަ ވެސް ކޮރަޕްޝަންގެ ތުހުމަތުގައި ހައްޔަރުކޮށްފައިވެ އެވެ.
