މި މައްސަލައިގައި މިދިޔަ ހޯމަ ދުވަހު ހައްޔަރުކުރީ 46 އަހަރުގެ އަލީ ރަޝީދު ކިޔާ މީހަކާއި 34 އަހަރުގެ މުހައްމަދު ވިސާމް ކިޔާ މީހެކެވެ.
އެ ދެ މީހުން ތަހުގީގުގައި ބުނެފައި ވަނީ ޕާރުސަލްތަކުގައި މަސްތުވާތަކެތި ހުރިކަން އެމީހުންނަށް ނޭނގޭ ކަމަށާއި އެއީ ރައްޓެއްސަކު ބުނެގެން ކާގޯ ކުރަން ފޮނުވި ސާމާނު ކަމަށެވެ. އެ ޕާރުސަލްތަކުން ނުބައި ވަހެއް ދުވާ ކަމަށް ބުނެ ކާގޯ އޮފީހުން ތަކެއްޗާ ހަވާލު ނުވި ކަމަށާއި އެހެންވެ އެ ތަކެތި ގެންގޮސް އެމީހުންގެ ކޮޓަރީގައި ބެހެެއްޓީ ކަމަށް ބުންޏެވެ.
މިކަމުގައި އިތުރު ބަޔަކު ބައިވެރިވޭތޯ ބެލުމަށް ތައިލޭންޑުގެ ފުލުހުން ތަހުގީގެއް ހިންގަމުން އަންނަ ކަމަށް ވެސް ނޫސްތަކުގައި ބުންޏެވެ.
ތައިލެންޑަކީ މަސްތުވާތަކެތީގެ މައްސަލަތަކުގައި ވަރަށް ހަރުކަށި ފިޔަވަޅުތަކެއް އަޅާ ގައުމެކެވެ. އެ ގައުމުގެ ގާނޫނުތަކުގައި ކެޓަގަރީ އެކެއްގެ މަސްތުވާތަކެތީގެ ވިޔަފާރިކުރުމުގެ މައްސަލަތަކުގައި އުމުރުދުވަހުގެ ޖަލު ހުކުމް ނުވަތަ މަރުގެ އަދަބު ވެސް ކަނޑައެޅުމުގެ ފުރުސަތު އޮވެއެވެ. ނަމަވެސް، ފުލުހުންގެ ތަހުގީގުގައި މި ދެ މީހުން ވަނީ ދައުވާތަކަށް އިންކާރުކޮށްފަ އެވެ.
