"ކިންގްޑަމް އޮފް ފްރޫޓްސް" މެދުވެރިކޮށް 123,000 އަށްވުރެ ގިނަ ޑޮލަރު (1.9 މިލިއަން ރުފިޔާ) ގެ މުދާ އެތެރެކުރި މައްސަލައިގައި އުފުލި 23 ދައުވާ ސާބިތުވެ، މިދިޔަ އަހަރުގެ ޑިސެމްބަރު 18 ގައި ކްރިމިނަލް ކޯޓުން ވަނީ އޭނާ 109 އަހަރަށް ޖަލަށްލުމާއެކު 7 މިލިއަން ރުފިޔާއިން ޖޫރިމަނާކޮށްފައެވެ.
ޖަލުގައި ހުރެގެން ދެވެން ނެތް ސިއްހީ ފަރުވާއެއް ދިނުމަށްޓަކައި، ޖަލުތަކާ ބެހޭ ގާނޫނުގެ ދަށުން ޝިފާއު ވަނީ އެއް މަސްދުވަހުގެ މުއްދަތަށް ވަގުތީ ގޮތުން ގޭބަންދަށް ބަދަލުކޮށްފައެވެ.
މައްސަލައިގެ ޝަރީއަތް ހިނގަމުންދަނިކޮށް އެގްރިކަލްޗާ މިނިސްޓްރީގެ ސީނިއާ ޕޮލިޓިކަލް ޑިރެކްޓަރުގެ މަގާމަށް އޭނާ އައްޔަންކުރި ނަމަވެސް، ފަހުން ވަނީ މަގާމުން ވަކިކޮށްފައެވެ.
މާދަމާ ފަށާ އިސްތިއުނާފު މައްސަލައިގައި ޝިފާއުގެ ފަރާތުން އެދެނީ ކްރިމިނަލް ކޯޓުގެ ހުކުމް ބާތިލުކޮށްދިނުމަށެވެ.
