ޖަލު ބަންދުގައި ހުންނަތާ ހަ އަހަރުވެފައިވަނިކޮށް އޭނާ މިނިވަން ކުރީ މިދިޔަ މަހުގެ 29 ވަނަ ދުވަހުއެވެ
އެކަމާއި ގުޅިގެން ރައީސް އޮފީހުގައި ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން ހޯމް މިނިސްޓަރު އަލީ އިހްސާން ވިދާޅުވީޯ ޕެރޯލް ބޯޑުގެ ހުރިހާ މެމްބަރުން މަގާމުން ވަކިކޮށްފައިވާކަމަށެވެ. އެ ހުރިހާ މެމްބަރުން އެއްފަހަރާ ވަކިކުރީ އަބްދުﷲ އިބްރާހިމް ދޫކޮށްލީ ޤާނޫނާ ހިލާފަށް ކަމަށްވާތީ ކަމަށް އިހްސާން ވިދާޅުވި އެވެ.
ޕެރޯލް ބޯޑު އެކުލެވިގެންވަނީ އެކި މުއައްސަސާތަކުގެ ބޭފުޅުން ހިމެނޭ ގޮތަށް ނުވަ މެންބަރުންގެ މައްޗަށެވެ.
އިހުސާން ވިދާޅުވީ މިހާތަނަށް ބެލި ބެލުމުން އަބުޗާ ދޫކޮށްލުމުގައި ގަސްދުގައި ކަމެއް ގޯސްކޮށް ކުރުމުގެ އެއްވެސް ނިޔަތެއް ޕެރޯލް ބޯޑުގައި އޮތް ކަމަށް ނުފެންނަކަމަށެވެ. އެހެންކަމުން އެ ބޯޑުން ވަކިކުރި ބޭފުޅުންގެ ނަންތައް ހާމަނުކުރަން ނިންމާފައިވާ ކަމަށް އިހްސާން ވިދާޅުވި އެވެ.
އަބްދުﷲ އިބްރާހިމް ޕެރޯލްގެ ދަށުން ދޫކޮށްފައިވަނީ އޭނާގެ ހުކުމާ ގުޅިގެން އެރި އޮޅުމެއްގެ ތެރެއިން ކަމަށް މިނިސްޓަރު އިހްސާން ވިދާޅުވި އެވެ. އެހެންކަމުން އެކަމުގައި ޤާނޫނީ ލަފާ ހޯއްދާ އެ ނިންމުން އަނބުރާ ބަދަލުކުރަން އެންގުމުން އެ ނިންމުން ބަދަލުކޮށް އަންގާރަ ދުވަހު އަބްދުﷲ އިބްރާހިމް އަލުން އަނބުރާ ޖަލު ބަންދަށް ގެންގޮސްފައިވާ ކަމަށްވެސް މިނިސްޓަރު އިހްސާން ވިދާޅުވި އެވެ.
