މި ހާދިސާގައި ބްރިޓިޝް އެއާވޭސްގެ ބޮއިންގް 777 މަރުކާގެ މަތިންދާބޯޓު ވަނީ ކުރު ވަގުތުކޮޅެއްގެ ތެރޭގައި 28,000 ފޫޓު ތިރިއަށް ފައިބާފަ އެވެ. ކެބިން ޑިޕްރެޝަރައިޒްވުމުގެ ސަބަބުން، އިމަޖެންސީ އުސޫލުތަކުގެ ދަށުން ބޯޓުގެ އޮކްސިޖަން މާސްކްތައް ވަނީ ތިރިވެ، ބޭނުންކުރެވިފަ އެވެ.
މި ކުއްލި ނުރައްކަލުގެ ހާލަތު މެދުވެރިވުމާއެކު، ބޯޓު ދުއްވަން ތިބި ޕައިލަޓުން ވަނީ ވަގުތުން "7700" ޖެނެރަލް އެމަޖެންސީ އިއުލާންކޮށްފަ އެވެ.
ޖެނެރަލް އެމަޖެންސީ އިއުލާންކުރުމަށްފަހު، ޕައިލަޓުން ވަނީ ޗިކާގޯއަށް ކުރަން އޮތް ދަތުރު އަނބުރާ އަނބުރާލައި، އިނގިރޭސިވިލާތުގެ ލަންޑަން ހީތުރޯ އެއާޕޯޓަށް ބޯޓު ރައްކާތެރިކަމާއެކު ޖައްސާފަ އެވެ.
