ދައުލަތުގެ މީޑިއާއިން ގެނެސްދިން އަހާ ފޯރަމްގައި ވާހަކަ ދައްކަވަމުން ވަޒީރު ހަސަން ރަޝީދު ވީދާޅުވީ ފަހަކަށް އައިސް އަލިފާނުގެ ހާދިސާތައް އާދަޔާ ހިލާފު މިންވަރަކަށް އިތުރުވެފައިވާކަމަށެވެ. އެގޮތުން އެއް ސަބަބެއްކަމަށް ވަޒީރު ވިދާޅުވީ ގޭގައި ނުބައިކޮށް ކަރަންޓް ގުޅާފައި ހުރުންކަމަށެވެ.
ވަޒީރު ވިދާޅުވީ ފަހަކަށް އައިސް އަލިފާނުގެ ހާދިސާތައް ހިނގުމުގައި ގޭސް ފުޅިއަށް ގުޅާފައި ހުންނަ ރެގިއުލޭޓަރުން ދިމާވާ މައްސަލަތައްވެސް ވަރަށް ގިނަ ކަމަށެވެ. އެގޮތުން ބާޒާރުގައި ތަފާތު ކޮލެޓީގެ ރެގިއުލޭޓަރު ހުންނަކަމަށާއި އެހެންކަމުން ވަކި ސްޓޭންޑަޑެއް ކަންޑައަޅާ އެނޫން އެއްޗެއް ބޭނުން ނުކުރއެވޭ ގޮތް ހަދަން ވިސްނަވާކަމަށް ވަޒީރު ވިދާޅުވި އެވެ.
މީގެއިތުރުން ގޭގޭގައި ގޭސްފުޅި ބަހައްޓާފައި ހުރި ތަންތަނަކީ ރައްކާތެރި ތަންތަނަށް ހެދުމަށް ގޭސް ވިއްކާ ފަރާތްތަކާއި އެކު މަޝްވަރާކުރައްވާނެކަމަށްވެސް ވަޒީރު ހަސަން ރަޝީދު ވިދާޅުވި އެވެ.
