މި އެސެމްބްލީ ކުރިއަށްދާނީ މާދަމާއިން ފެށިގެން އަންނަ ހުކުރު ދުވަހުގެ ނިޔަލަށެވެ.
ރައްޔިތުންގެ މަޖިލީހުން ބުނީ މި އެސެމްބްލީގެ ތެރެއިން ބޭއްވޭ އާންމު ބަހުސްގައި ރައްޔިތުންގެ މަޖިލީހުގެ ރައީސް އަބްދުއްރަޙީމް ޢަބްދުالله ވާހަކަ ދައްކަވާނެކަމަށެވެ. ވާހަކަ ދައްކަވާނީ "އެންމެންގެ ޝާމިލުވުމާއި، އިތުބާރާއި، އަދި ފުރުސަތުތައް ފަހިކޮށްދީގެން ހެޔޮވެރިކަން ކުރިއެރުވުމާއި މުޖުތަމައުތައް ބާރުވެރިކުރުވުން" މި މައުލޫއަށްކަމަށް މަޖިލިހުން ބުނެ އެވެ.
އަބްދުއްރަހީމްގެ މި ދަތުރުގައި ހުޅުދޫ ދާއިރާގެ މެމްބަރު މުހައްމަދު ޝާހިދު، ބާރަށު ދާއިރާގެ މެމްބަރު އިބްރާހީމް ޝުޖާއު، މާފަންނު މެދު ދާއިރާގެ މެމްބަރު އަސްމާ ރަޝީދު، ހުރާ ދާއިރާގެ މެމްބަރު ޑރ އަނާރާ ނައީމް، ނިލަންދޫ ދާއިރާގެ މެމްބަރު ފާތިމަތު ސައުދާ، ގައްދޫ ދާއިރާގެ މެމްބަރު މުހައްމަދު އަލީ އަދި ތޮއްޑޫ ދާއިރާގެ އެމްޑީޕީ މެމްބަރު ހުސައިން ސަމީރު ބައިވެރިވެ އެވެ.
މީގެ އިތުރުން މަޖިލީހުގެ އިދާރާގެ އިސް ބޭފުޅުންގެ ގޮތުގައި ކައުންސެލް ޖެނެރަލް ތިމަތު ފިލްޒާ އާއި، ޗީފް އޮފް ބިއުރޯ އަހްމަދު ނިހާން ހުސައިން މަނިކުގެ އިތުރުން ފޮރިން ރިލޭޝަންސް ޑިޕާޓްމަންޓުގެ އެސިސްޓެންޓް ޑިރެކްޓަރު ޖެނެރަލް ޒުއްޔިނާ ބަދުރީވެސް ބައިވެރިވާކަމަށް މަޖިލިހުން ބުނެ އެވެ.
