މިއީ ބީއެމްއެލްގެ އޭޓީއެމުން ކޮންމެ މަހަކު ޑޮލަރު ނެގޭ އަދަދު ލިމިޓްކުރި ފުރަަތަމަ ފަހަރެވެ.
ބީއެމްއެލް އިން މީޑިއާއާ ހިއްސާކުރި މައުލޫމާތުތަކުގައިވާ ގޮތުން، އެ ބަދަލު ގެނައި ނަމަވެސް އޭޓީއެމް ކާޑަކުން ކޮންމެ ދުވަހަކު މީގެ ކުރިއެކޭ ވެސް އެއްގޮތަށް 1600 ޑޮލަރު ނެގޭނެ އެވެ.
ބީއެމްއެެލް އިން ބުނި ގޮތުގައި އެ ބަދަލު ގެނައީ ރާއްޖޭގައި ޒަމާނީ "ޑިޖިޓަލް-ފަސްޓް" ބޭންކިން ހިދުމަތް ފުޅާކުރުމަށް ކުރުމަށް ކުރާ މަސައްކަތުގެ ދަށުންނެވެ. އެގޮތުން ބީއެމްއެލް މޮބައިލް ބޭންކިންް އަދި އިންޓަރނެޓް ބޭންކިންގ މެދުވެރިކޮށް، ކޮންމެވަގުތަކު، ކޮންމެ ތަނެއްގައި ހުރެގެންވެސް ބިލްތަކަށް ފައިސާ ދެއްކުމާއި، ފައިސާޓްރާންސްފަރ ކުރުމުގެ އިތުރުން އެކައުންޓްގެ އެންމެހައި މުޢާމަލާތްތައްފަސޭހަކަމާއެކު ބަލަހައްޓައި މެނޭޖްކުރެވެ އެވެ.
މީގެ އިތުރުން، ރާއްޖެއާއިރާއްޖެއިން ބޭރުގެ ވިޔަފާރިތަކަށް ކާޑު މެދުވެރިކޮށް އަދި ކޮންޓެކްޓްލެސްކޮށްފައިސާ ދެއްކުމާއި، އެކައުންޓްތަކަށް ވަގުތުން ވަގުތަށް ފައިސާ ފޮނުވުމުގެ ޚިދުމަތްވެސް ކަސްޓަމަރުންނަށް ފަސޭހަކަމާއެކު ލިބެ އެވެ.
މިއީ ބީއެމްއެލްގެ އޭޓީއެމުން ކޮންމެ މަހަކު ޑޮލަރު ނެގޭ އަދަދު ލިމިޓްކުރި ފުރަަތަމަ ފަހަރެވެ.
ބީއެމްއެލްއިން އެ ލިމިޓު ކަނޑައެޅިއިރު، އެ ބެންކުން އަންނަނީ، ލިބޭ މިންވަރަށްވުރެ އިތުރަށް ޑޮލަރު ވިއްކަން ޖެހުމުގެ ކަންބޮޑުވުން ފާޅުކުރަމުންނެވެ. އަދި، އެ ބޭންކު މެދުވެރިކޮށް ރުފިޔާ އެކައުންޓުތަކުން ކުރާ ބޭރުގެ މުއާމަލާތްތައް މި އަހަރު ވަރަށް ބޮޑަށް އިތުރުވެފައިވާ ކަމަށް ބީއެމްއެލުން ބުނެފައިވެ އެވެ.
ބެންކުން ހާމަކޮށްފައިވާ ގޮތުގައި، މިދިޔަ އޮގަސްޓް މަހުގެ ނިޔަލަށް އެވަރެޖުކޮށް މަހެއްގެ މައްޗަށް 81.6 މިލިއަން ޑޮލަރު ބޭންކުން ވިއްކާފައިވާއިރު، އެ މަހުގެ ނިޔަލަށް މި އަހަރު 653 މިލިއަން ޑޮލަރު ވިއްކައިފައިވެއެވެ. އެއީ މިދިޔަ އަހަރުގެ އެ މުއްދަތާ އަޅާބަލާއިރު ގާތްގަނޑަކަށް 33 އިންސައްތައިގެ އިތުރުވުމެއް ކަމަށް އެ ބޭންކުން ބުންޏެވެ.
އެހެންވެ، އެ ބެންކުން ވަނީ ރުފިޔާ ކާޑުން ޑޮލަރުން ކުރެވޭ މުއާމަލާތްތަކަށް ލިމިޓުތައް ކަނޑައަޅައިފަ އެވެ.
